பொதுநலவாய தலைமைச் செயலகம்

பொதுநலவாய தலைமைச் செயலகம் (Commonwealth Secretariat) பொதுநலவாய நாடுகளின் மைய நிறுவனமும் அரசுகளுக்கிடையேயான முகமையுமாகும். இது உறுப்பினர்களிடையே கூட்டுறவை வளர்க்க வகை செய்கிறது; பொதுநலவாய அரசுத் தலைவர்கள் சந்திப்புக்கள் உட்பட சந்திப்புக்களை ஒருங்கிணைப்பது, பொதுநலவாய கொள்கைகளையும் முடிவுகளையும் நிறைவேற்றத் தேவையான உதவிகளை உறுப்பினர் நாடுகளுக்கு வழங்குவது போன்ற பணிகளை மேற்கொள்கிறது.[1]

இச்செயலகத்திற்கு ஐக்கிய நாடுகள் பொதுச் சபையில் பார்வையாளர் தகுதி உண்டு. இது ஐக்கிய இராச்சியத்தின் இலண்டனில் மார்ல்பரோ மாளிகையில் அமைந்துள்ளது. முன்பு அரண்மனையாக இருந்த இதனைப் பொதுநலவாய நாடுகளின் தலைவர் ஐக்கிய இராச்சியத்தின் அரசி எலிசபெத் II இச்செயலகத்திற்காக வழங்கியுள்ளார்.