பெரியார் கணினி (நூல்)

முதற் பகுப்புகள், அவற்றின் துணைப் பகுப்புகள், சில துணைப் பகுப்புகளுக்குக் கிளைப் பகுப்புகள் என வகுத்துக் கொண்டு பெரியாரின் கருத்துகள் திரட்டப்பட்டுள்ளன. முதற் பகுப்புகள் மட்டும் அகரவரிசையில் அடுக்கப்பட்டுள்ளன. பெரியாரின் கருத்துக் கனிகள் யாவும் அவை வெளிவந்த கால அடிப்படையில் அடுக்கப்பட்டுள்ளன. சான்றாகக் கடவுள்பற்றிப் பெரியார் 1929 இல் என்ன சொன்னார்; 1930, 42, 55, போன்ற பிற காலங்களில் அவர் அதுபற்றி எத்தகைய கருத்துகளை வெளியிட்டார் என்பனவற்றை முறைப்படி அறிந்து கொள்ள இது தோதாக இருக்கக்கிறது. மதுவிலக்கு தேவை என்று பேசிய பெரியார் பிற்காலத்தில் அதற்கு மாறாகப் பேசி இருப்பதையும் அறியலாம். [1]

இதில் மொத்தம் பெரியாரின் கருத்துகள் 48 தலைப்புகளில் முதற் பகுப்புகளாகவும், பிறகு 309 துணைப்பகுப்புகளும்,11 கிளைப்பகுப்புகளும் அடங்கியுள்ளன. இம் மூவகைப் பகுப்புகளிலுமாக மொத்தம் 4884 கருத்துக் கனிகள் அடங்கியுள்ளன.