பால் (இலக்கணம்)
பால் என்பதற்கு பகுப்பு என்று பொருள். இலக்கண நூல்கள் மக்கள் போன்ற உயர்திணையை மூன்று பாலாகவும் (பகுப்புகளாகவும்) அஃறிணையை இரண்டு பாலாகவும் பிரித்துக் காட்டியுள்ளன.
உயர்திணைக்குரிய பால்கள்
- ஆண்பால்
- பெண்பால்
- பலர்பால்
அஃறிணைக்குரிய பால்கள்
- ஒன்றன் பால்
- பலவின்பால்
பாலுக்குரிய ஈறுகள்(விகுதிகள்)
பாலின் தன்மை இத்தகையது என காட்டுபவை ஈறுகளாகும். இவை பெரும்பாலும் வினைச் சொற்களில் வரும் ஈறுகளையே குறிக்கும்.
ஆண்பால்
னகர ஈறுகள் ஆண்பாலை உணர்த்தும்.
சான்று:
அவன், இவன், வந்தான்.
பெண்பால்
ளகர ஈறுகள் பெண்பாலை உணர்த்தும்
சான்று:
அவள், இவள், வந்தாள்.
பலர்பால்
அர், ஆர் என்பன பலர்பாலை உணர்த்தும்
சான்று:
அவர், இவர், உண்டார்.
ஒன்றன் பால்
து, று, டு என்பன ஒன்றன் பாலை உணர்த்தும்.
சான்று:
வந்தது, தாவிற்று, குறுந்தாட்டு (குறுகிய காலை உடையது.).
பலவின்பால்
அ, ஆ , வ என்பன பலவின் பாலை உணர்த்தும்
சான்று:
ஓடின, மேய்ந்தன, உண்ணா, திண்ணா, உண்குவ, தின்குவ
ஈறுகள் பொருந்தாத பெயர் சொற்கள்
பெயர்ச் சொற்களில் வரும். ஈறுகளில் சில பொருந்தா
சான்று:
மக்கள் - ள் ஈறு பெற்றாலும் பெண்பாலைக் குறிக்காது.
அலவன்(நண்டு) - ன் ஈறு பெற்றாலும் ஆண்பாலைக் குறிக்காது.
தாயார், தாய்மார் - அர், ஆர் ஈறு பெற்றாலும் பலர்பாலைக் குறிக்காது.
பேடியும் தெய்வமும்
பால் வகையில் அடங்காத ஆண்தன்மை திரிந்த உயர்திணைக்கும், பெண்தன்மை திரிந்த உயர்திணைக்கும் தனியே ஈறு கிடையாது அதுபோல திணை யில் அடங்காத தெய்வத்துக்கும் தனியே ஈறு கிடையாது
மேற்கோள்
தொல்காப்பியம் . சொல்லதிகாரம். கிளவியாக்கம்-சேனாவரையம்