பாண்டியன் ஏனாதி நெடுங்கண்ணனார்

பொருளீட்டச் செல்லும் வழியில் அவன் அவளை நினைக்கிறான்.

அவள் முழங்காலை மடக்கிக் கையால் கட்டிப் பிடித்துக்கொண்டு காத்திருப்பாளோ? கண்ணீரை விரலால் துடைத்து நகத்தால் தெறிவாளோ? முற்றுகையில் சிக்கித் தவிக்கும் ஓரெயில் மன்னன் போலத் தூங்காமல் கிடப்பாளோ? [1]

பார்ப்பன மகனே! பார்ப்பன மகனே! முருக்கங் கொம்பில் உள்ள நாரைக் களைந்துவிட்டு அதன் கொம்பில் கரகத்தை(கமண்டலத்தை)க் கட்டி எடுத்துச் செல்லும் படிவ நோன்பினை உடைய பார்ப்பன மகனே! நீ சொல்லும் வேதம் எழுதாமல் கற்றுக்கொண்டது என்பதை அறிவேன். அதில் இணங்காமல் பிரிந்தவரை இணங்கவைத்துச் சேர்க்கும் வசியமருந்து ஏதேனும் கூறப்பட்டுள்ளதா? [2]