பரணி கலையகம்

பரணி பிக்சர்ஸ் அல்லது பரணி கலையகம் (Bharani Pictures) என்பது சென்னையில் அமைந்திருந்த திரைப்படத் தயாரிப்பு நிறுவனம் ஆகும். இதனை 1947 ஆம் ஆண்டில் ராமகிருஷ்ண ராவும், பானுமதி ராமகிருஷ்ணாவும் இணைந்து நிறுவினர். [1] அதன் பின் 1950 இல் இருவரும் பரணி ஸ்ரூடியோ வை உருவாக்கினர். இவர்கள் இருவரதும் மகனான டாக்டர். பரணி குமார் என்பரின் பெயரையே இக்கலையகத்திற்கு வைத்தனர். தற்போது இந்த ஸ்டுடியோவை பரணி குமாரே பராமரித்து வருகின்றார். இது அமைந்துள்ள சுற்றுப்புறத்திலேயே இவர் 'பரணி வைத்தியசாலை'யை நிறுவியுள்ளார். பரணி ஸ்டுடியோவினுடைய முதல் திரைப்படமான சண்டிராணி 1953 ஆம் ஆண்டில் இந்தியா முழுவதுமாக தமிழ் உட்பட பல்வேறு மொழிகளிலும் வெளியிடப்பட்டது.