தி அமேசிங் ஸ்பைடர்-மேன் 2

பீட்டரின் தந்தை ஒரு மருந்தை கண்டு பிடிகிற்றார். இவர் கண்டுபிடித்த அந்த மருந்தை மனிதர்களுக்கு செலுத்தினால் விபரீதமான விளைவுகள் ஏற்படும் என்பதால் தன்னுடைய கண்டுபிடிப்பை யாருக்கும் தெரியாமல் மறைக்கிறார். ஒருவிபத்தில் இறந்தும் போகிறார். இந்நிலையில், பீட்டர், வளர்ந்து பெரியவனாகிறான். ஸ்பைடர்மேனாக மக்களை காப்பாற்றும் பணியில் ஈடுபட்டு வருகிறார்.

இந்நிலையில், பீட்டருடைய அப்பா வேலை செய்த ஆராய்ச்சி மையத்தில் எலக்ட்ரானிக் என்ஜினியராக பணியாற்றி வரும் மேக்ஸ், தவறுதலாக அங்கிருந்த ஒரு ஆராய்ச்சி நீர்த்தொட்டிக்குள் விழுந்து விடுகிறார். இதனால் அவர் ஒரு மின்சார மனிதனாக உருவெடுக்கிறார்.

இந்த நிலையில் பீட்டரின் சிறுவயது நண்பன் மற்றும் ஆராய்ச்சி மையத்தின் தலைவரின் மகனுமான டேன் டிஹான் கொடிய நோயினால் பாதிக்கப்படுகிறான். இதற்கு மாற்று மருந்தாக பீட்டருடைய அப்பா, ஆராய்ச்சி செய்து வைத்திருந்த மருந்து பற்றி கேள்விப்படுகிறான். அது மர்மமான இடத்தில் மறைக்கப்பட்டிருப்பதை அறியும் அவன், அதை மேக்ஸின் உதவியுடன் கைப்பற்றுகிறான். அந்த மருந்தை தன் உடம்பில் ஏற்றிக்கொள்ளும் ஆராய்ச்சி மைய தலைவரின் மகன் வித்தியாசமான தோற்றத்துடன் உருவெடுக்கிறான். இருவரும் சேர்ந்து ஸ்பைடர் மேனை கொல்ல முடிவெடுக்கின்றனர். இதற்காக இவர்கள் மேற்கொள்ளும் பல்வேறு முயற்சிகளை ஸ்பைடர் மேன் முறியடித்து மக்கள் மனதில் நீங்க இடம்பிடிக்கிறார். இறுதி கண்டயுத்தத்தில் பீட்டரின் காதலி எம்மா ஸ்டோன் இறக்க, வில்லனான டேன் டிஹான் கைது செய்யப்படுகின்றான்.

• ஆண்ட்ரூ கார்பீல்ட்
• எம்மா ஸ்டோன்
• டேன் டிஹான்
• ஜேமி ஃபாக்ஸ்
• ஃபெலிசிட்டி ஜோன்ஸ்
• காம்ப்பெல் ஸ்காட்
• பால் கியாமட்டி
• சல்லி பீல்ட்

ஸ்பைடர் மேனாக நடித்திருக்கும் ஆண்ட்ரூ கார்பீல்டு துடிப்பான இளைஞராக நடித்திருக்கிறார். காதல் காட்சிகளிலும், எதிரிகளிடம் சண்டை போடும் காட்சிகளிலும் சிறப்பான நடிப்பை வெளிப்படுத்தியிருக்கிறார். நாயகி எம்மா ஸ்டோன் நாயகனுடன் காதல் செய்யும் காட்சிகளிலும், இறுதிக் காட்சியிலும் திறமையாக நடித்திருக்கிறார். நண்பர் மற்றும் வில்லனாக நடித்திருக்கும் டேன் டிஹான் தனது கதாபாத்திரத்தை நன்றாக நடித்துள்ளார்.

• அதிகாரப்பூர்வ இணையதளம்
• இணையதள திரைப்பட தரவுத்தளத்தில் The Amazing Spider-Man 2