ஜூப்ளி ஹில்ஸ்

ஜூபிலி ஹில்ஸ் உருவாக்கும் யோசனை 1963 இல் ஏற்பட்டது. 1967 ஆம் ஆண்டில், இந்திய ஆட்சிப் பணி அதிகாரியும் பத்ம ஸ்ரீ விருது வென்றவருமான, சல்லகலா நரசிம்மம் அவர்கள் "காலனியின் சரியான வளர்ச்சிக்கு உதவிடுமாறு" நாட்டின் குடியரசுத் தலைவரை கேட்டுக் கொண்டார். இவர் மெட்ராஸில் திட்டமிட்டு பல காலனிகளை உருவாக்கியதில் சிறந்த நபராகக் கருதப்பட்டவர். அந்த நேரத்தில், ஜூபிலி ஹில்ஸ் வளர்ச்சி இல்லாமல் ஒரு மலைப்பாங்கான நிலப்பகுதியாக இருந்தது. திரு. சி. நரசிம்மம் அவர்களின் குடும்பம், ஜூபிளி ஹில்ஸில் முதல் வீட்டை கட்டியமைத்து, முதல் குடியிருப்பாளர்களாக மாறியது. 1980 ஆம் ஆண்டில், இப்பகுதியில் அடுத்தடுத்த வளர்ச்சியை ஆரம்பித்து 350 இடங்களில் 350 வீடுகள் கட்டப்பட்டன.

தெலுங்கு திரைப்படத் துறையின் தாயகமான திரைப்பட நகர் ஜூப்ளி ஹில்ஸின் மையமாக அமைந்துள்ளது, ராமாநாயுடு ஸ்டூடியோஸ், பத்மாலயா ஸ்டூடியோஸ் மற்றும் அன்னபூர்ணா ஸ்டூடியோஸ் போன்றவைகள் இங்கே அமைந்துள்ளன. இங்கே தெலுங்கு திரைப்பட தொழில்துறையின் நடிகர்கள், வணிகத் தொழிலாளர்கள் மற்றும் முன்னணி அரசியல்வாதிகள் ஆகியோரும் குடியிருக்கின்றனர்.

தெலங்காணா மற்றும் ஆந்திரப்பிரதேச மாநிலங்களின் அரசியல் முக்கியத்துவம் வாய்ந்த இடமாக ஜூபிளி ஹில்ஸ் உள்ளது. தெலுங்கானா ராஷ்ட்ரிய சமிதி சமீபத்தில் தனது கட்சியின் தலைமையகத்தை கட்டியுள்ளது, மேலும் தெலுங்கானா முதலமைச்சர் க. சந்திரசேகர் ராவ் இங்கு வசிக்கிறார். எல்.வி. பிரசாத் பகுதியில் தெலுங்கு தேசம் கட்சியின் தலைமையகம் அமைந்துள்ளது. மேலும் ஆந்திர பிரதேச முதலமைச்சர் நா. சந்திரபாபு நாயுடு ஆகியோர் இந்த பகுதியில் வசிக்கின்றனர். பிரஜா ராஜ்யம் கட்சி தலைமையகம் காங்கிரஸ் கட்சியுடன் இணைவதற்கு முன் சாலை எண் 45 இல் அமைக்கப்பட்டது. எப்போதாவது பெரிய அளவிலான அரசியல் பேரணிகள் இந்த இடத்தில் நடத்தப்படுகின்றன.  

ஜூபிளி ஹில்ஸ் அதன் உயரமான குடியிருப்பு நிலைக்கு கூடுதலாக வணிக வளாகத்தின் நடுவே உள்ளது. SVM @ 36 போன்ற பல்வேறு இடங்களில் கேளிக்கை மற்றும் பந்து வீச்சுப் பகுதி அமைந்துள்ளது. இங்கு தாஜ் மஹால் ஹோட்டல், டெஸ்டா ரோஸா, வெக்ஸ், கஃபே லாட்டே, பாரிஸ்டா, ஸ்டார்பக்ஸ், மற்றும் காபி டே போன்ற பல்வேறு விடுதிகள் மற்றும் கேஃப்கள் அமைந்துள்ளது. சியாஸ், கேட்வே மீடியா, ராதா ரியல் எஸ்டேட், லான்கோ குளோபல் சிஸ்டம்ஸ், பிரைஸ் வாட்டர்ஹவுஸ் கூப்பர்ஸ், ஐசிஐசிஐ மற்றும் எச்.டி.எஃப்.சி போன்ற நிறுவனங்களின் கார்ப்பரேட் தலைமையகம் மற்றும் அலுவலகங்கள் இப்பகுதியில் அமைந்துள்ளன.  

கேபிஆர் தேசிய பூங்கா

கேபிஆர் தேசிய பூங்கா மற்றும் மனிதர்கலால் உருவாக்கப்பட்ட ஒரு குளம், தாமரை குளம், போன்றவை நடைபயிற்சி மற்றும் ஓடுபவர்களால் பயன்படுத்தப்படுகின்றன. மேலும், இப்பகுதியில் துர்கம் செருவு மற்றும் ஹக்கிம்பேட்டு குன்டா என்ற இரண்டு குறிப்பிடத்தக்க இயற்கை நீர் அமைப்புகள் உள்ளன . துர்கம் செருவில் படகு, மலையேற்றம், உணவகங்கள், மற்றும் ஒரு திறந்த வெளி டிஸ்கோ போன்றவைகள் பார்வையாளர்களுக்கு ஒரு முக்கிய இடமாக உள்ளது. சாலை எண் 37 இல் வர்த்தக மையத்திற்கு பின் அமைந்துள்ள இப்பகுதியில் கலைக்கூடம் ஒன்று அமைந்துள்ளது.

இப்பகுதியில் ஜூபிலி ஹில்ஸ் சர்வதேச விடுதி, ஃபிலிம் நகர் விடுதி மற்றும் ஹைதராபாத் ஜிம்கானா ஆகிய பொழுது போக்கு இடங்கள் அமைந்துள்ளன. வெளிப்புற அளவிலான குளங்கள், உட்புற மற்றும் வெளிப்புற உணவகங்கள், வெளிப்புற திரைப்பட திரையரங்குகள், நூலகம், பெரும் அரங்குகள், விளையாட்டு மைதானங்கள், நீரூற்றுகள், பூப்பந்து மைதானம், ஸ்குவாஷ் மைதானம், கூடைப்பந்து மைதானம், மட்டைப்பந்து மைதானம் உள்ளிட்ட பிரத்யேக உறுப்பினர் மட்டுமே இணைந்துள்ள ஜூபிளி ஹில்ஸ் சர்வதேச விடுதி (JHIC) ஒன்று உள்ளது. பில்லியர்ட்ஸ் ஹால், இயற்கை பூங்காக்கள், மற்றும் பெரும் லாபி போன்றவைகளும் அடங்கியுள்ளன. தெலுங்கானா மற்றும் ஆந்திரப் பிரதேசத்தின் அரசியல்வாதிகள் மற்றும் பொருளாதார செல்வந்தர்களுக்கென ஜூபிளி ஹில்ஸ் சர்வதேச விடுதி (JHIC) உள்ளது.

ஜூபிலி ஹில்ஸ் சுங்கசாவடி அருகில் அமைந்துள்ள இந்து கோவிலான பெத்தம்மா கோயிலில் நடைபெறும் பொனாலு விழாவில் உள்ளூர் பக்தர்கள் கலந்து கொள்வார்கள்.

• 
  தாமரைக் குளத்தின் தோற்றம்
• 
  தாமரைக் குளத்தின் அமரும் இடம்
• 
  ஒரு செப்டம்பர் மாதத்தில் தாமரைக் குளத்தின் தோற்றம்

• Indian Heart Association and Indian Heart Foundation Website: http://indianheartfoundation.org
• Blue Cross Hyderabad: http://www.bluecrosshyd.in/
• Ramanaidu Studios: https://web.archive.org/web/20120112054212/http://www.sureshproductions.com/tag/ramanaidu-studios/