சேக் கலீபா பின் சயத் அல் நகியான்

சேக் கலீபா பின் சயத் அல் நகியான் (அரபு மொழி: خليفة بن زايد بن سلطان آل نهيان), (பிறப்பு: 1948), ஐக்கிய அரபு அமீரகத்தின் சனாதிபதியும், அந்நாட்டு அமீரகங்களில் ஒன்றான அபுதாபி அமீரகத்தின் ஆட்சியாளரும் ஆவார். இவரது தந்தையாரும் முன்னாள் சனாதிபதியுமான சேக் சயத் பின் சுல்தான் அல் நகியான் காலமான பின்னர், 2004 ஆம் ஆண்டு நவம்பர் 3 ஆம் தேதி, இவர் பதவியேற்றார். இவரது தந்தையின் முதுமை, உடல்நலக் குறைவு என்பன காரணமாக சேக் கலீபா இதற்கு முன்னர் பல ஆண்டுகளாகவே மேற்படி பதவிகளுக்கு உரிய பணிகளைத் தந்தையின் சார்பில் செய்துவந்தார்.

கலீபா பின் சயத் அல் நகியான்
2007 செப்டெம்பர் 10 ஆம் தேதி, அப்போதைய உருசிய சனாதிபதி ஐக்கிய அரபு அமீரகத்துக்கு வந்த போது சேக் கலீபா பின் சயத் அவருடன் காணப்படுகின்றார்
ஐக்கிய அரபு அமீரகத்தின் சனாதிபதி
பதவியில் உள்ளார்
பதவியேற்பு 03 நவம்பர் 2004
பிரதமர்	சேக் மக்ட்டூம் பின் ரசீத் அல் மக்ட்டூம் சேக் மொகம்மது பின் ரசீத் அல் மக்ட்டூம்
முன்னவர்	சேக் சயத் பின் சுல்தான் அல் நகியான்
தனிநபர் தகவல்
பிறப்பு	1948 (அகவை 70–71) அல் எயின், ஐக்கிய அரபு அமீரகம்[1]
சமயம்	சுன்னி இசுலாம்

1971 ஆம் ஆண்டு டிசம்பர் 2 ஆம் தேதி, ஐக்கிய அரபு அமீரகம் நிறுவப்பட்ட பின்னர், சேக் கலீபா, சனாதிபதியான தனது தந்தையின் கீழ் துணைப் பிரதம அமைச்சராகப் பதவியேற்றார். 1976 மே மாதத்தில் இவர் ஐக்கிய அரபு அமீரகப் படைகளின் துணைத் தளபதியாகவும் ஆனார். அத்துடன் ஆற்றல் குறித்த விடயங்களில், செல்வாக்குடைய உயர் பெட்ரோலியம் அவையின் தலைவராகவும் செயலாற்றி வந்தார்.

சேக் கலீபா ஐக்கிய அரபு அமீரகத்தின் மரபுவழி விளையாட்டுக்களின் ஆர்வம் கொண்டவர். சிறப்பாக குதிரை ஓட்டம், ஒட்டக ஓட்டம் என்பவற்றில் அதிக அக்கறை காட்டிவந்தார். இவர் பொதுவாக மேற்குலகப் பாணியிலான நவீனமயப்படுத்தலுக்கு ஆதரவானவர். 2005 ஆம் ஆண்டு ஏப்ரல் மாதத்தில், அரசாங்க ஊழியர்களின் சம்பளத்தை 70% உயர்த்தி ஆணை வழங்கினார்.