சாக்கா சூலு

சாக்கா கசென்சங்ககோனா (Shaka kaSenzangakhona) (1787 – 22 செப்டம்பர் 1828), பரவலாக சாக்கா[1] சூலு, சூலு இராச்சியத்தின் மிகவும் தாக்கமேற்படுத்திய ஓர் தலைவர் ஆவார்.

சாக்கா சூலு
சாக்காவின் ஒரே அறியப்பட்ட ஓவியம்—தனது இறப்புக்கு 4 ஆண்டுகள் முன்பு 1824ஆம் ஆண்டில் ஈட்டி,கவசங்களுடன்
பிறப்பு	c. 1787 குவாசூலு-நேட்டால், மெல்மோத் அருகே
இறப்பு	22 செப்டம்பர் 1828 (அகவை 41)
இறப்பிற்கான காரணம்	கொலை
கல்லறை	ஸ்ட்ரேஞ்சர், தென்னாபிரிக்கா
சமயம்	சூலு
பெற்றோர்	சென்சங்ககோனா (தந்தை) நந்தி (தாய்)
பிள்ளைகள்	தகவலில்லை

போங்கோலோ ஆற்றிற்கும் சிம்குலு ஆற்றிற்கும் இடைப்பட்ட தெற்கு ஆபிரிக்காவின் பெரும்பகுதியை ஆளத் துவங்கிய சூலு இராச்சியத்தை, வடக்கு இங்குனி மக்களை ஒற்றுமைப்படுத்தி உருவாக்கியப் பெருமை இவருக்குண்டு. இவரது வீரமும் விவேகமும் சூலு தலைவர்களில் மிகப் பெரும் தலைவராக இவரை சுட்டுகிறது.[2] இவருடைய சீர்திருத்தங்கள், புதுமைகள் சிறந்த இராணுவ தலைவராகக் காட்டினாலும் கொடுங்கோல் ஆட்சிப் புரிந்ததாக கண்டனங்களும் உண்டு.[3][4] மேலும் சில வரலாற்றாளர்கள் இவரது ஒருங்கிணைத்த சூலு இராச்சியம் முந்தைய சூலு பரம்பரை அமைப்புகளைச் சிதைத்ததாகவும் ஆதிகாரங்களை மையப்படுத்தியதாகவும் பண்பாட்டிலிருந்து விலகியதாகவும் குறை காண்கின்றனர். [5] தென்னாபிரிக்காவின் வரலாற்றில் பெரும் தாக்கமேற்படுத்தியுள்ள இவ்வீரரின் குணங்களும், முறைகளும் பல ஆராய்ச்சிகளின் கருவாக உள்ளது.