கே. ஆர். வேணுகோபால் சர்மா

கே. ஆர். வேணுகோபால் சர்மா தமிழக அரசாலும், மக்களாலும் அங்கீகரிக்கப்பட்ட திருவள்ளுவர் படத்தை வரைந்தவர் ஆவார்.[1] இவர் 17.12.1908 இல் சேலம் மாவட்டத்தில் பிறந்தவர். மேலும் தமிழ்த்தாய், அறிஞர் அண்ணா, முத்துராமலிங்கத் தேவர், காயிதே மில்லத் போன்றோர்களது அரிய படங்களையும் வரைந்தவராவார்.[2]

கே. ஆர். வேணுகோபால் சர்மா

தொழில்

இவர் முதலில் "ஸ்வததேச டிராமா பார்ட்டி" என்ற பெயரில் நாடகங்களை நடத்திவந்தார். பம்பாய்க்கு சென்று, அங்கு பிரபல திரைப்பட இயக்குநரான ஸ்ரீபகவான் தாதவிடம் சினிமாவைக் கற்றுக்கொண்டார். சென்னைக்கு திரும்பி 'கிரீன் பிக்சர்ஸ்' என்ற திரைப்பட நிறுவனத்தைத் துவக்கி, நாத விஜயம், தெய்வீகம், மை சன் ஆகிய படங்களைத் தயாரித்து இயக்கினார். சில படங்களிலும் நடித்தார்.

திருவள்ளுவரின் படத்தை வரைதல்

சுமார் 30 ஆண்டுகள் திருக்குறளையும் ஓவியங்களையும் ஆராய்ச்சி செய்து திருவள்ளுவரின் ஓவியத்தை வரைந்தார்.[3] தமிழக அரசும் இவரது ஓவியத்தை வள்ளுவரின் அதிகாரப்பூர்வமான ஓவியமாக ஏற்றுக் கொண்டது.

அங்கீகாரம்

முதன்முறையாக 1964 ஆம் ஆண்டு மார்ச் 23ஆம் தேதி தமிழக சட்டமன்றத்தில் இவர் வரைந்த திருவள்ளுவரின் உருவத்தை அன்றைய துணைக் குடியரசுத் தலைவரான சாகிர் உசேன் திறந்து வைத்தார். வேணுகோபால் சர்மாவுக்கு பொன்னாடை போர்த்தி விருது வழங்கப்பட்டது. தமிழக முதல்வரான அண்ணாதுரை இவருக்கு "ஓவியப் பெருந்தகை" என்ற பட்டத்தை அளித்துச் சிறப்பித்தார்.[4]

மற்றவர்கள் வரைந்த படங்கள்

திருவள்ளுவரை பல்வேறு காலகட்டங்களில் ஓவியர்கள் வெவ்வேறு கோணங்களில் வரைந்தார்கள். அவை பெரும்பாலும் சாமியார் கோலத்திலேயே மத அடையாளங்கள் உடன் இருந்ததால் அதை மக்களும் அரசும் ஏற்றுக்கொள்ளவில்லை.

ஆதாரம்
  1. "An introduction to Thirukkural and its author". www.oocities.org.
  2. "40 ஆண்டுகள் ஆய்வு செய்து திருவள்ளுவர் படத்தை வரைந்தவர் வேணுகோபால் சர்மா: தமிழறிஞரின் மகன் விநாயக் வே.ஸ்ரீராம் தகவல்". இந்து தமிழ் திசை. https://www.hindutamil.in/news/tamilnadu/523542-thiruvalluvar-image.html. பார்த்த நாள்: 5 November 2019.
  3. "Google மொழியாக்கம்". translate.google.co.in.
  4. "பொன்விழா ஆண்டில் திருவள்ளுவர் உருவப்படம்". பார்த்த நாள் 6 ஏப்ரல் 2015.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.