குச்சம்

குச்சம் (stump) என்பது துடுப்பாட்டத்தின் போது பயன்படுத்தப்படும் இழப்பில் காணப்படும் நிலைக்குத்துத் தடிகள் ஆகும் . இதன் தோற்றம் தரையில் நிலைக்குத்தாக ஊன்றப்பட்ட மூன்று குச்சங்களும் அவற்றின் மேல் வைக்கப்பட்ட இரண்டு சிறிய குறுக்குத்தடிகளும் ஆகும். குச்சங்கள் பொதுவாக மரத்தினாலானவை. நடுக்களத்தின் இரண்டு முனைகளில் இரு இழப்புகள் அமைக்கப்பட்டிருக்கும். ஒரு இழப்பின் மொத்த அகலம் 9 அங்குலம் (22.9 செமீ)ஆகும்.

குச்சம் (Stump)

ஒவ்வொரு குச்சமும் 28 அங்குலம் (71.1 செமீ) உயரமும் கூடிய விட்டமாக 1¹⁄₂ அங்குலத்தையும் (3.81 செமீ) குறைந்த விட்டமாக 1³⁄₈ (3.49 செமீ) அங்குலத்தையும் கொண்டிருக்கும். குச்சத்தின் ஒரு முனை தரையில் நடப்பட வசதியாக கூறாக கானப்படுவதோடு மற்றைய முனையில் குறுக்குத்தடிகளை தாங்கும் வகையில் அரைவட்டவடிவத் தவாளிப்பு காணப்படும்.