கரக்பூர்

கரக்பூர் அதன் பெயரை மல்லபூம் வம்சத்தின் பன்னிரண்டாவது மன்னரான கார்கா மல்லாவிடம் இருந்து கைப்பற்றியபோது பெற்றார்.[3][4] கரக்பூர் ஹிஜ்லி இராச்சியத்தின் ஒரு பகுதியாக இருந்தது, ஒடிசாவின் கசபதி அரசர்களின் கீழ் ஒரு நிலப்பிரபுத்துவமாக இந்து ஒரியா ஆட்சியாளர்களால் ஆளப்பட்டது. 16 ஆம் நூற்றாண்டில், கரக்பூர் இன்னும் அடர்ந்த காடுகளால் சூழப்பட்ட ஒரு சிறிய கிராமமாக இருந்தது என்று வரலாற்றாசிரியர்கள் கூறுகின்றனர். கிராமம் உயர்ந்த பாறைகள் நிறைந்த தரிசு நிலத்தில் இருந்தது. கரக்பூருக்கு அருகில் மக்கள் வசிக்கும் ஒரே குடியிருப்பு பகுதி ஹிஜ்லி. ஹிஜ்லி வங்காள விரிகுடாவின் நதிப் படுகைப் பிராந்தியத்தில் உள்ள ரசூல்பூர் ஆற்றின் கரையில் உள்ள ஒரு சிறிய தீவு கிராமமாகும். இது 1687 ஆம் ஆண்டில் ஒரு துறைமுக நகரமாக வளர்ந்தது. ஹிஜ்லியும் ஒரு மாகாணமாக 1886 வரை இருந்தது. இது வங்காளம் மற்றும் ஒரிசாவின் சில பகுதிகளை உள்ளடக்கியது. இது தம்லுக், பன்ஸ்கூரா, மற்றும் டெப்ரா போன்ற முக்கியமான நகரங்களைக் கொண்டிருந்தது, வடக்கு, தெற்கு மற்றும் கிழக்குப் பக்கங்களில் உள்ள கெல்காய் மற்றும் ஹல்டி நதிகளுடன் வங்காள விரிகுடா மற்றும் கரக்பூர், கேஷியரி, டான்டன் மற்றும் மேற்கில் ஜலேஸ்வர் எல்லைக்குட்பட்டது.

குரு பீர் மாக்ட்ராம் ஷா சிஸ்டியின் சீடராக இருந்த தாஜ் கான் என்பவர் ஹிஜ்லியை ஆட்சி செய்தார். இது குசான் பேரரசு, குப்தர்கள் மற்றும் பால் வம்சங்கள் மற்றும் முகலாயர்களால் ஆளப்பட்டது. இந்து மன்னர்களின் ஆட்சிக் காலத்திலும், முகலாயர்கள் காலத்திலும் நீதித்துறை, சிறை மற்றும் நிர்வாக அலுவலகங்களுடன் ஹிஜ்லி சிறந்த வணிக மற்றும் வர்த்தக மையங்களைக் கொண்டிருந்தது என்று கூறப்படுகிறது. ஹிஜ்லியின் தலைநகரம் 1628 வரை பஹிரியில் இருந்தது, பின்னர் ஹிஜ்லிக்கு மாற்றப்பட்டது. 1754 ஆம் ஆண்டில் ஹிஜ்லி மாகாணம் உச்சத்தில் இருந்தது, இந்த காலகட்டத்தில் மிகவும் வளமாக இருந்தது.

ஆங்கிலயே இராணுவத் தளபதி நிக்கல்சன் ஹிஜ்லியை ஆக்கிரமித்து துறைமுகத்தை கைப்பற்றிய முதல் ஆங்கில காலனித்துவவாதி ஆவார். 1687 ஆம் ஆண்டில் ஜாப் சார்னோக் வீரர்கள் மற்றும் போர்க்கப்பல்களுடன் ஹிஜ்லியைக் கைப்பற்றி, இந்து மற்றும் முகலாய பாதுகாவலர்களை தோற்கடித்தார். முகலாயர்களுடனான போருக்குப் பிறகு, ஜாப் சார்னோக்கிற்கும் முகலாய பேரரசருக்கும் இடையே ஒரு ஒப்பந்தம் கையெழுத்தானது. ஜாப் சார்னோக் சந்தித்த இழப்பு அவரை ஹிஜ்லியை விட்டு வெளியேறி உலுபீரியாவை நோக்கி செல்ல கட்டாயப்படுத்தியது, அதே நேரத்தில் முகலாய பேரரசர் தொடர்ந்து மாகாணத்தை ஆட்சி செய்தார். அங்கிருந்து, கிழக்கு இந்தியாவில் தங்கள் தொழிலை நிறுவ அவர்கள் இறுதியாக கொல்கத்தாவில் உள்ள சுட்டானூட்டியில் குடியேறினர். இது இந்தியாவில் கிழக்கிந்திய கம்பெனியின் தொடக்கமாகும். ஹிஜ்லி இன்று நமக்குத் தெரிந்தபடி ஹிஜ்லி மாகாணத்தின் ஒரு சிறிய பகுதி மட்டுமே, இது 19 ஆம் நூற்றாண்டில் ஆங்கிலேயர்களால் நிர்வாக அலுவலகங்களை நிறுவுவதற்காக உருவாக்கப்பட்டது. இன்றைய முழு கரக்பூர் பிரிவிலும் ஹிஜ்லி மாகாணத்திற்கு ஒத்த எல்லைகள் தற்போது உள்ளது.

18 ஆம் நூற்றாண்டில் கெஜூரி, நதிப் படுகைப் பிராந்தியத்தில் கௌகாளி ஆற்றின் கரையில் மற்றொரு துறைமுக நகரம் அமைக்கப்பட்டது. இது ஆங்கிலேயர்களால் முதன்மையாக ஐரோப்பிய நாடுகளுடன் வர்த்தகம் செய்வதற்காக நிறுவப்பட்டது. கெஜூரியும் ஒரு தீவாக இருந்தது. 1864 ல் ஏற்பட்ட பேரழிவு சூறாவளியில், இரு துறைமுகங்களும் அழிக்கப்பட்டன. அதன் பின்னர் தீவுகள் பிரதான நிலப்பகுதியுடன் இணைந்துள்ளன.

1. "Cities having population 1 lakh and above, Census 2011". Census of India. Government of India, Ministry of Home Affairs. பார்த்த நாள் 23 December 2013.
2. கரக்பூர் இரயில்வே
3. Dasgupta, Gautam Kumar; Biswas, Samira,; Mallik, Rabiranjan, (2009), Heritage Tourism: An Anthropological Journey to Bishnupur, New Delhi: Mittal, p. 32, ISBN 8183242944CS1 maint: extra punctuation (link)
4. Mallik, Abhaya Pada (1921). History of Bishnupur-Raj: An Ancient Kingdom of West Bengal (the University of Michigan ). Calcutta. பக். 14. https://books.google.com/books?id=QF4dAAAAMAAJ. பார்த்த நாள்: 11 March 2016.

விக்கிப்பயணத்தில் Kharagpur என்ற இடத்திற்கான பயண வழிகாட்டி உள்ளது.

• Kharagpur Municipality
• Midnapore Kharagpur Development Authority(MKDA)
• Kharagpur’s diaspora reunited

வரலாறு