கண்டி இராச்சியம்

கண்டியின் ஆட்சி முறைக்கமைய நாட்டின் அனைத்துத் துறைகளினதும் அதிபதி மன்னன் ஆவான். அவன் இலங்கேஸ்வர, திரிசிங்கலாதீஸ்வர எனவும் அழைக்கப்பட்டான். நாட்டின் அனைத்துப் பகுதிகளும் இவனுக்கு சொந்தம் ஆகையால் பூபதி எனவும் அழைக்கப்பட்டான். மன்னன் அனைத்து அதிகாரமும் உடையவனாயினும் அவன் பிக்குகளினதும், பிரதான அதிகாரிகளினதும் ஆலோசனைக்கேற்ப செயற்படவேண்டும்.[1]

கண்டி இராச்சியம் சேனாசம்பந்தவிக்கிரமபாகு என்பவனால் உருவாக்கப்பட்டது(1467- 1815) அமையப்பெற்ற மத்திய மலைநாடானது மலைகளாலும்,ஆறுகளாலும்,காடுகளாலும்,நீர்நிலைகளாலும் சூழப்பட்டிருந்தது.இது சிறப்பான காலநிலையை கொண்டிருந்தது. இது கண்டியின் சுதந்திரத்தை மூன்று நூற்றாண்டுகளாக பேண உதவியது. கண்டி இராச்சியம் ஆரம்பகாலத்தில் ஐந்து பிரதேசங்களை உள்ளடக்கியிருந்தது.

1. சிதுருவான - உடுநுவர ,உட பலாத்த
   
2. பலவிட்ட - ஹரிஸ்பத்துவ
   
3. மாத்தளை - மாத்தளை
   
4. தும்பறை - தும்பறை
   
5. சமஹதுன்ரட்ட - வலப்பன, ஹெவாஹெட்ட

கண்டி இராச்சிய நிர்வாக முறையின் முக்கிய அலகாக அமைந்த அரச சபையில் கீழ்வரும் நிர்வாகிகள் அங்கம் பெற்றிருந்தனர்.

• மகா அதிகாரங்கள்
• திசாவைமார்
• ரட்டேமகாத்மயாமார்
• வரித்துறைச் செயலாளர்கள்

• சேனா சம்மத விக்கிரமபாகு (1469-1511)
• ஜயவீர (1511-1552)
• கரலியத்த பண்டார சிங்கன் (1552-1582)
• 1முதலாம் இராஜசிங்கன் (1582-1592))
• முதலாம் விமலதர்மசூரிய (1592-1604)
• செனரத் (1604-1635)
• இரண்டாம் இராஜசிங்கன் (1635-1687)
• இரண்டாம் விமலதர்மசூரிய (1687-1707)
• வீரபராக்கிரம நரேந்திரசிங்கன் (1707-1739)
• ஸ்ரீ விஜய ராஜசிங்கன் (1739-1747)
• கீர்த்தி ஸ்ரீ ராஜசிங்கன் (1747-1782)
• இராஜாதி ராஜசிங்கன் (1782-1798)
• ஸ்ரீ விக்கிரம ராஜசிங்கன் (1798-1815)