கடமையின் எல்லை

கதைச்சுருக்க எச்சரிக்கை: கதைச்சுருக்கம் மற்றும்/அல்லது கதை முடிவு விவரங்கள், கீழே தரப்பட்டுள்ளன.

ஷேக்ஸ்பியரின் "ஹாம்லெட்" நாடகத்தின் நேரடித் தழுவல்தான் இக்கதை. இன்பரசன் (தேவன் அழகக்கோன்) என்பவன் தன் அண்ணனைக் கொன்று அரசபதவியை அபகரிப்பதோடு, அவனது மனையாளையும் (ஐராங்கனி) மணந்து கொள்கிறான். இளவரசனான் கமலநாதனிடம் (பொனி ரொபேர்ட்ஸ்) கொலை செய்யப்பட்ட அவனது தந்தையின் ஆவி அருபமாக வந்து, நடந்ததைச் சொல்லி, சிறிய தகப்பனை பழி வாங்கச் சொல்கிறது. இறுதியில் தாய், கமலநாதன், அன்பரசன் எல்லோருமே இறந்து போகிறார்கள்.

• யாழ்ப்பாணம் டச்சுக் கோட்டையைச் சுற்றிய பகுதிகளில் குதிரையோட்டம் முதலான காட்சிகளை எடுத்திருந்தார்கள்.
• தயாரிப்பாளர் - இயக்குனரான எம். வேதநாயகம் இத்திரைப்படம் வெளியிடப்படுவதற்கு முன்னரே காலமாகி விட்டார்.
• இத்திரைப்படத்தில் கதாநாயகன் கமலநாதனாக நடித்தவர் இலங்கையில் கராத்தே கலையை பிரபலமடையச் செய்தவரான கிறான்ட் மாஸ்டர் பொனி ரொபேர்ட்ஸ். மட்டக்களப்பு மாவட்டத்தில் கல்முனையைச் சேர்ந்தவர்.
• இணை ஒளிப்பதிவாளராகப் பங்காற்றிய கலஞர் எஸ். ரி. அரசு (திருநாவுக்கரசு) நடிகர், நிழல்படப்பிடிப்பாளர் என்பதோடு ஒப்பனைக் கலஞருமாவார்.