ஒற்றை, இரட்டை வரிசைமாற்றங்கள்

ஒரு வரிசைமாற்றம் ${\displaystyle A}$ -இன் குறி (Sign, Signature)என்பது +1 ஆகவோ -1 ஆகவோ வரையறுக்கப்படும். ஒற்றைப்படை வரிசைமாற்றமயிருந்தால் அதன் குறி -1. இரட்டைப்படையாயிருந்தால், +1. இதற்குக் குறியீடு: ${\displaystyle sgn(A)}$ அல்லது ${\displaystyle \epsilon (A).}$

${\displaystyle \chi :S_{n}\rightarrow \{+1,-1\}}$

${\displaystyle A\mapsto sgn(A)}$

தேற்றம்: சமச்சீர்குலம் ${\displaystyle S_{n}}$ க்கும் 2-ஆவது கிரம சுழற்குலம் ${\displaystyle C_{2}=\{+1,-1\}}$ க்கும் இடையில் ${\displaystyle \chi }$ என்ற மேற்சொன்ன கோப்பு, ஒரு காப்பமைவியம் (homomorphism).

இதனால் இக்காப்பமைவியத்தின் உட்கரு (kernel) ${\displaystyle S_{n}}$ இன் உட்குலமாகும். இந்த உட்குலத்திற்கு ${\displaystyle n}$ பொருள்களின் மாறிசைக்குலம் (Alternating Group on n objects) எனப் பெயர். இதற்குக் குறியீடு: ${\displaystyle A_{n}}$ . இதனுடைய கிரமம்: ${\displaystyle n!/2.}$ இவ்வுட்குலத்தில் இரட்டைப்படை வரிசைமாற்றங்கள் மட்டுமே உள்ளன; ${\displaystyle n}$ -கிரம இரட்டைப்படை வரிசைமாற்றங்கள் எல்லாம் இதனில் அடக்கம்.

${\displaystyle S_{4}}$ இல் 24 உறுப்புகள் உள்ளன. ${\displaystyle A_{4}}$ இன் 12 உறுப்புகள் (அ-து, 4-கிரம இரட்டைப்படை வரிசைமாற்றங்கள் எல்லாம்) பின்வருமாறு:

${\displaystyle e}$ ; ${\displaystyle (1)(234);(1)(243);}$

${\displaystyle (2)(341);(2)(314);(3)(124);(3)(142);(4)(123);(4)(132}$

${\displaystyle (12)(34);(13)(24);(14)(23)}$ .

• இரட்டைப்படை நீளமுள்ள சுழல் ஓர் ஒற்றைப்படை வரிசைமாற்றம்.
• ஒற்றைப்படை நீளமுள்ள சுழல் ஓர் இரட்டைப்படை வரிசைமாற்றம்.
• ஒரு வரிசைமாற்றம் அதனுடைய வெட்டில்லாத சுழல் வடிவத்தில் இரட்டைப்படை நீளமுள்ள சுழல்கள் ஓர் ஒற்றைப்படை எண்ணிக்கையில் இருந்தால், இருந்தால்தான், அது ஒற்றைப்படை வரிசைமாற்றமாக இருக்கும்.

எ.கா.: ${\displaystyle S_{16}:}$

${\displaystyle \sigma =(1\quad 3\quad 5)(7\quad 2\quad 4)(10\quad 6)(8\quad 11\quad 16\quad 15\quad 9)(14)(12\quad 13)}$

இதனில் 2 இரட்டைப்படை நீளமுள்ள சுழல்கள் இருப்பதால், ${\displaystyle \sigma }$ ஓர் இரட்டைப்படை வரிசைமாற்றம்.

• மாறிசைக் குலம்