உரைக்கோப்பு

உரைக்கோப்பு (Text file/flat file) என்பது கணினிவடிவக் கோப்புகளில் ஒன்றாகும். இது மின்னணு வடிவினை அடிப்படையாகக் கொண்டு, கிடைமட்ட நேர்கோட்டு வடிவில் அமைந்த வரிவடிவத்தை மட்டுமே பெற்றிருக்கும். இதில் எழுத்து வடிவமும், குறியீடுகளும், எண்களும் மட்டுமே அடங்கியிருக்கும். எவ்வித ஊடகக்கோப்புகளையும் தன்னகத்தேப் பெற்றிருக்கும் திறன் இல்லாததாக இருக்கும். கணினி தனக்குரிய தரவுத்தேக்ககத்தில், அதன் உரைக்கோப்பை, அதன் கணினிக்கோப்புக் கட்டகத்தில் சேமித்து, மறுபயன்பாட்டிற்கு நிலைநிறுத்துகிறது. அவ்விதம் நிலைநிறுத்தும் போது, எம்எஸ்-டொஸ் இயுக்குமுறைமைகளில், அக்கோப்பின் இறுதியில் நிறுத்தற்குறியீட்டை( EOF)ப் பயன்படுத்துகிறது. அந்த குறியீட்டு முறைகளை, தற்போதுள்ள புதிய இயக்குதளங்கள் பயன்படுத்துவது இல்லை. எனவே, உரைக்கோப்பு(Text file) என்பது தரவுகல(data container) வகைகளில் ஒன்றாகும். அதனுள் வரியுரைத்(plain text) தேக்கப்படுகிறது. தோற்ற அடிப்படையில் கணினிக்கோப்புகளானது இருவகைப்படும். அதில் ஒன்றே உரைக்கோப்பாகும். மற்றொன்று இருமக்கோப்பு(Binary file) ஆகும்[1]

உரைக்கோப்பு

கோப்பு நீட்சி	.txt
அஞ்சல் நீட்சி	text/plain
வகைக்குறியீடு	TEXT
சீர் சரவகைக் காட்டி(UTI)	public.plain-text
UTI இணக்கம்	public.text
இயல்பு	ஆவணக்கோப்பு வடிவம், எண்ணிமக்கலன் வடிவம்