இரண்டாம் வேற்றுமை
இரண்டாம் வேற்றுமை என்பது பெயரின் எழுவாய்ப் பொருளைச் செயப்படுபொருளாக வேறுபடுத்தும் வேற்றுமை ஆகும். இது செயப்படுப்பொருள் வேற்றுமை என்றும் வழங்கப்படும். இரண்டாம் வேற்றுமையின் உருபு 'ஐ' ஆகும்.
இரண்டாம் வேற்றுமை உணர்த்தும் பொருள்கள்
| “ | "இரண்டா லதனுரு பையே அதன்பொருள்
ஆக்க லழித்த லடைதல் நீத்தல் ஒத்தலுடைமை யாதி யாகும்."[1] |
” |
இரண்டாம் வேற்றுமை உருபான 'ஐ' என்ற உருபை ஏற்றதும் (எழுவாய்) பெயர்ச்சொல்லானது கீழ்க்கண்ட பொருள்களை உணர்த்தும்.
- ஆக்கப்படுபொருள் ( ஒன்றை உருவாக்குதல்)
- அழிக்கப்படு பொருள் ( ஒன்றை இல்லாமல் செய்தல்)
- அடையப்படு பொருள் ( ஒன்றை அடைதல்)
- நீக்கப்படு பொருள் (ஒன்றை விட்டு நீங்(க்)குதல்)
- ஒத்தல் பொருள். (ஒன்றை மற்றொன்றுடன் ஒப்புமைப் படுத்தல்)
- உடைமைப் பொருள்.( உடைமை பெற்றிருத்தல்)
ஆகியனவும் பிறவுமாகும்.
சான்று:
- குடத்தை வனைந்தான் - ஆக்கப்படுபொருள்.
- கோட்டையை இடித்தான் - அழிக்கப்படு பொருள்.
- ஊரை அடைந்தான் - அடையப்படு பொருள்
- வீட்டை விட்டான் - நீக்கப்படு பொருள்
- புலியைப் போன்றான் - ஒத்தல் பொருள்
- பொன்னை உடையான் - உடைமைப் பொருள்.
மேற்கோள்
- நன்னூல், வேற்றுமையியல், நூற்பா 296.
வெளிப் பார்வை
உசாத்துணை
- நன்னூல் விருத்தியுரை. சிவஞான முனிவர் விளக்கம். கழக வெளியீடு.
- தொல்காப்பியம். சொல்லதிகாரம் - சேனாவரையம்.
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.