இமோகோலைட்டு

இமோகோலைட்டு (Imogolite) என்பது Al₂SiO₃(OH)₄ என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். அலுமினியம் சிலிக்கேட்டு களிமண் கனிமம் என்று இது வகைப்படுத்தப்படுகிறது. எரிமலைச் சாம்பலிலிருந்து தோன்றும் மண்ணில் இக்கனிமம் காணப்படுகிறது. முதன் முதலில் சப்பான் நாட்டின் கையூசு மாகாணத்தில் 1962 ஆம் ஆண்டு இமோகோலைட்டு கண்டறியப்பட்டது. சப்பானிய மொழியில் பழுப்பு மஞ்சள் நிற மண் என்ற பொருள் கொண்ட இமோகோ என்ற சொல்லிலிருந்து இமோகோலைட்டு என்ற பெயர் வருவிக்கப்பட்டுள்ளது[1]. அல்லோபேன், குவார்ட்சு, கிரிசுட்டோபேலைட்டு, கிப்சைட்டு, வெர்மிகியுலைட்டு, லிமோனைட்டு போன்ற கனிமங்களுடன் சேர்ந்து இக்கனிமமும் காணப்படுகிறது[2].