இமயமலை பழுப்புக் கரடி

இமாலயப் பழுப்பு கரடிகளின் உடல் பருமன் பாலினரீதியாக ஏற்றத்தாழ்வு கொண்டது. ஆண் கரடிகள் 1.5மீ இருந்து 2.2மீட்டர் (4 அடி 11 அங்குலம் - 7 அடி 3 அங்குலம்) நீளம் கொண்டவை. பெண் கரடிகள் 1.37மீ இல் இருந்து 1.83 மீட்டர் (4 அடி 6 அங்குலம் - 6 அடி) வரை இருக்கும். இவைதான் இமய மலையில் வாழக்கூடிய பெரிய விலங்குகள் ஆகும்.

இந்த கரடிகள் நேபாளம், திபெத், வட இந்தியா, வடக்கு பாக்கித்தான் போன்ற இடங்களில் காணப்படுகின்றன. இவை ஏற்கனவே பூட்டானில் இருந்து அழிந்துவிட்டது எனக் கருதப்படுகிறது.

இவை கரடிகள் அக்டோபர் காலகட்டத்தை ஒட்டி பனிக்கால உறக்கம் மேற்கொள்கினறன ஏப்ரல், மே மாதங்களில் வெளிப்படுகின்றன. அதுவரை பொதுவாக இந்த கரடிகள் குகைகளில் உறக்கத்தை மேற்கொள்கின்றன.

இமாலயப் பழுப்பு கரடிகள் அனைத்துண்ணி ஆகும். இவை புற்கள், வேர்கள், தாவரங்கள், பூச்சிகளையும், சிறிய பாலூட்டிகள்,பழங்கள் போன்றவற்றை விரும்பி உண்கின்றன. சில சமயம் ஆடுகளையும் வேட்டையாடுகின்றன. வயதுவந்த கரடிகள் சூரிய உதயத்திற்கு முன் அல்லது பிற்பகலின் போது சாப்பிடுகின்றன.