ஆல்வன் கிரகாம் கிளார்க்

ஆல்வன் கிரகாம் கிளார்க் (Alvan Graham Clark, 10 சூலை 1832 - 9 சூன் 1897) அமெரிக்க வானியலாளரும், தொலைநோக்கி செய்வினைஞருமாவார். மேலும் இவர் ஆல்வன் கிளார்க் குழுமம் நிறுவிய ஆல்வன் கிளார்க்கின் மகனாவார்.

அல்வான் கிரகாம் கிளார்க் Alvan Graham Clark
அல்வான் கிளார்க்கும் அவரது உதவியாளரும் (வலது) 40-அங் வில்லையுடன் 1896.
பிறப்பு	சூலை 10, 1832(1832-07-10) ஃபால் ஆறு, மாசச்சூசெட்ஸ், ஐக்கிய அமெரிக்கா
இறப்பு	சூன் 9, 1897(1897-06-09) (அகவை 64)
தேசியம்	அமெரிக்கர்
துறை	வானியல்
அறியப்படுவது	சிரியசு பி

1862 சனவரி 31ஆம் நாளன்று மாசச்சூசெட்ஸ் கேம்பிரிட்ச் துறையில் புதிய 18½ தொலைநோக்கியை வெள்ளோட்டம் பார்த்த போது இவர் சிரியசு-பி விண்மீனைக் கண்டறிந்தார். இந்தப் பொலிவு அளவு 8 கொண்ட சிரியசின் இணைமீன்தான் முதன்முதலில் கண்டறிந்த வெண் குறுமீன் ஆகும்.

இந்த 18½ அங்குலத் தொலைநோக்கி இன்றும் இலினொய், எவான்சுட்டனில் உள்ள வடமேற்குப் பல்கலைக்கழகத்தின் டியர்பார்ன் வான்காணகத்தில் பயன்படுத்தப்படுகிறது.[1]