கோவா சித்ரா அருங்காட்சியகம்

கோவா சித்ரா அருங்காட்சியகத்தின் தொகுப்பில் உள்ளூர் மட்பாண்டங்கள், விவசாயம் சார்ந்த கருவிகள், இசைக்கருவிகள், பண்டைய வண்டிகள் மற்றும் பல்லக்குகள் போன்றவை உள்ளன.[2] அவை கடந்த காலத்தின் பல்வேறு கட்டங்களைச் சார்ந்தவையாக அமைந்துள்ளன. மேலும் இந்த அருங்காடசியகத்தில் பல்வேறு காய்கறிகள், மூலிகைகள், மசாலா பொருட்கள், கரும்பு மற்றும் அரிசி சாகுபடி செய்வதற்கான பண்ணையின் அமைப்பைக் காட்சிப்படுத்துகிறது. இவை கடலோர மேற்கு இந்தியாவின் முக்கியமான கூறுகளாக உள்ளவையாகும்.

பயன்படுத்தப்படும் உரங்கள் மற்றும் பூச்சிக்கொல்லிகள் பாரம்பரிய நுட்பங்களைப் பயன்படுத்தி பண்ணைக் கழிவுகளிலிருந்து தயாரிக்கப்படுகின்றன. மனித கழிவுகள்கூட உயிர் வாயுவாக மாற்றப்படுகின்றன, மேலும் சூரிய சக்தியைப் பயன்படுத்திபண்ணையின் தேவைகள் பூர்த்தி செய்யப்படுகின்றன.

கோவா சித்ரா அருங்காட்சியகத்தை இந்திய தொல்பொருள் ஆய்வு நிறுவனம் இந்தியாவில் "மிக உயர்ந்த சமகால அருங்காட்சியகம்" என்று மதிப்பிட்டுள்ளது.[3]

டைம் இதழ் இந்த அருங்காட்சியத்தைப் பற்றி ஒரு கட்டுரையில் பின்வருமாறு கூறியுள்ளது: "இந்த அருங்காட்சியகத்தில் காட்சிப்படுத்தப்பட்டுள்ள பொருள்களில் நூற்றுக்கணக்கான உழவு கருவிகள் உள்ளன, இது விவசாயத்தின் முக்கிய இடமாக கோவா இருந்து வருவதை நிரூபிக்கின்றன. (இப்போது, சுற்றுலா மற்றும் சுரங்கமே முக்கிய தொழில்களாக இங்கு மேற்கொள்ளப்பட்டு வருகின்றன. தானியங்கள் மற்றும் காய்கறிகளுக்கு கோவா அண்டை மாநிலங்களை சார்ந்துள்ளது. கிட்டத்தட்ட ஐந்து மீட்டர் உயரத்தில் நிற்கும் ஒரு கரும்புச்சாறு பிழியும் கருவி அருங்காட்சியகத்தின் முக்கியமான காட்சிப்பொருளாக உள்ளது. இந்த அருங்காட்சியகத்தை மீட்டெடுக்க கோம்ஸ் இரண்டு ஆண்டுகள் செலவழித்துள்ளார்." [4]

இந்த அருங்காட்சியகம் அதன் பார்வையாளர்களுக்கு முக்கியமான தகவல்களை வழங்குகின்ற மையப் புள்ளியாக செயல்படத் திட்டமிட்டுள்ளது; பள்ளிகளிலிருந்து இளம் குழந்தைகளுக்கும் மற்றும் பல்கலைக்கழக மாணவர்களுக்கும் பணிப்பட்டறைகள் நடத்தப்படுகின்றன. அவை கைவினைக் கலைஞர்களின் துணயுடன் நடத்தப்படுகிறது. கைவினைக் கலைஞர்கள் தம் கைவினைத் தொழிலை சமகால தயாரிப்புகளை அவர்களின் மரபுகளின் உத்வேகத்தின் அடிப்படையில் தயாரிக்கும் அளவிற்கு வளர்த்துக்கொள்ள உதவுகிறது. , இதன்மூலமாக அவர்கள்நல்ல பொருள் ஈட்டவும், கண்ணியமான வாழ்க்கையை வாழவும் முடிகிறது. "திட்டத்தின் செயல்பாட்டைப் பற்றிய தகவல்களை முறையாக சேகரிப்பதற்கு உத்தரவாதம் அளிப்பதற்கும், இதே போன்ற பிற திட்டங்களுடன் தகவல்களைப் பகிர்வதற்கான அடிப்படையை வழங்குவதற்கும் ஒரு ஆவணமாக்கல்-பரவல் திட்டத்தை உருவாக்குதல்" என்ற திட்டமும் மேற்கொள்ளப்பட்டு வருகிறது.[5]

• கடற்படை விமான அருங்காட்சியகம் (இந்தியா)
• கோவா அறிவியல் மையம்
• தொல்பொருள் அருங்காட்சியகம் மற்றும் உருவப்படக் காட்சிக்கூடம், கோவா
• தொல்லியல் அருங்காட்சியகம், பழைய கோவா
• மெழுகு உலகம் - மெழுகு அருங்காட்சியகமும் ஓவியக்கூடமும், கோவா
• இந்தியத் தொல்லியல் துறையின் அருங்காட்சியகங்கள்
• இந்தியாவில் உள்ள அருங்காட்சியகங்கள் பட்டியல்

• கோவா சித்ரா அருங்காட்சியகம்
• அடுத்த முறை நீங்கள் இருக்கிறீர்கள். . . கோவா
• பெனலியம் வழியாக நேற்றைய கோவாவை நினைவில் கொள்ளல்
• கோவா சித்ரா சர்வதேச அருங்காட்சியக தினத்தை கொண்டாடுகிறது
• கோவாவின் பாரம்பரியத்துடன் எம்.கே.நாராயணனின் முயற்சி
• கோவா சித்ரா, மாநிலத்தின் பணக்கார கடந்த கால அருங்காட்சியகம்
• கோவா சித்ரா முதல் பாரம்பரிய பாதையை அறிமுகப்படுத்துகிறது
• கோவா சித்ரா
• நேற்றைய கோவாவை நினைவில் கொள்கிறது… பென ul லிம் வழியாக
• கோவா சித்ரா: இனவியல் அருங்காட்சியகம்
• கோவாவின் முதல் மற்றும் ஒரே இன அருங்காட்சியகம்