స్వాతిముత్యం

సినిమా అంతా ఫ్లాష్ బ్యాక్ లో నడుస్తుంది. శివయ్య (కమలహాసన్) కొడుకులు, తమ కుటుంబాలతో తల్లి, తండ్రి దగ్గరకు వస్తారు. లలిత (రాధిక) ఆరోగ్యము బాగుండదు. శివయ్య మనవరాలు కథ రాయటానికి తండ్రి సహాయము కోరగా, తాతగారి కథను రాయమంటాడు.

పెద్దలను ఎదిరించి పెళ్ళి చేసుకున్న లలిత భర్తని పోగొట్టుకుని, సోదరుడైన చలపతి (శరత్ బాబు), కొడుకులతో కలిసి అత్తగారింటికి వెడుతుంది. కోటీశ్వరుడైన మామగారు లోపలికి రానివ్వకుండా, బయటికి గెంటేస్తాడు. అన్నగారింటికి చేరిన లలితకి వదినగారి (వై.విజయ) సాధింపులు మొదలు అవుతాయి. వారు వున్న ఇంటి లోగిలిలోనే శివయ్య తన నాయనమ్మ (నిర్మలమ్మ) తో కలిసి ఉంటుంటాడు. చిన్నపిల్లవాడి మనస్తత్వము గల అమాయకుడు శివయ్య. లలిత పడుతున్న బాధలని తీర్చడానికి తన వంతు సహాయము చేద్దామని అనుకుంటాడు. ఆమెని పెళ్ళి చేసుకుని కొత్త జీవితము ఇవ్వటమే ఎవరైన ఆమెకు చేయగలిగే సహాయము అన్న నాయనమ్మ మాటలకి స్పందించి, శ్రీరామ నవమి పందిళ్ళప్పుడు ఆమె మెడలో తాళి కడతాడు.

నాయనమ్మ మరణం తరువాత, శివయ్య లలితని, కొడుకును తీసుకుని పట్నము వెళ్ళిపోతాడు. అక్కడ వారు అద్దెకు తీసుకున్న ఇంటి యజమాని (గొల్లపూడి మారుతీరావు) లలిత మీద కన్నువేసి, శివయ్యని మగవాడు అన్నాక అడుక్కుని అయినా భార్యను పోషించాలి అన్న మాటకు, ఉద్యోగ నిమిత్తము లలిత బయటికి వెళ్ళినప్పుడు, కొడుకుతో బిచ్చానికి వెళతాడు. అక్కడ తారసపడ్డ లలిత గురువు (జె.వి. సోమయాజులు) గారి ద్వారా గుడిలో ఉద్యోగము సంపాదిస్తాడు.

మరణ శయ్య మీద ఉన్న భార్య కోసము తనని, కొడుకుని తీసుకుని వెళ్ళి, శివయ్యను అవమానించి పంపించివేసిన మామగారిని ఎదిరించి, భర్త దగ్గరకు చేరుతుంది లలిత. లలిత మరణం తో, కొడుకులతో కలిసి ఆమె పూజించిన తులసికోటను కూడా తీసుకుని బయల్దేరుతాడు శివయ్య. కథ పూర్తి చేసిన మనవరాలు దానికి "స్వాతిముత్యం" అని పేరు పెడుతుంది.

అభివృద్ధి

చిత్రీకరణ

• కమలహాసన్ - శివయ్య
• రాధిక - లలిత
• నిర్మలమ్మ - శివయ్య నాయనమ్మ
• శరత్ బాబు - చలపతి, లలిత అన్నగారు
• వై.విజయ - లలిత వదిన
• జె.వి. సోమయాజులు - లలిత గురువు
• గొల్లపూడి మారుతీరావు - ఇంటి యజమాని

ఈ చిత్రం లోని అన్నిపాటలకు సంగీతం అందించినవారు: ఇళయరాజా.

• 1986 ఆస్కార్ పురస్కరాలకు భారతదేశము తరుపున ఎంట్రీ

1. ఈ చిత్రాన్ని తమిళములో సిప్పికుల్ ముత్తుగా అనువదించారు.
2. హిందీలో ఈశ్వర్ పేరుతో, సం. 1987లొ అనీల్ కపూర్, విజయశాంతిలతొ నిర్మించారు.
3. కన్నడంలో స్వాతిముత్తుగా సం. 2003లొ సుదీప్, మీనాలతొ నిర్మించారు.
4. ఈ చిత్రములో కమలహాసన్, సుత్తివీరభద్రరావు కొట్టుకునే సన్నివేశములో ఇద్దరికీ నిజంగానే కొన్ని దెబ్బలు తగిలాయి.

• డి.వి.వి.ఎస్.నారాయణ సంకలనం చేసిన మధుర గాయని పి.సుశీల మధుర గీతాలు, జె.పి.పబ్లికేషన్స్, విజయవాడ, 2007.

• ఇంటర్నెట్ మూవీ డేటాబేసు లో స్వాతిముత్యం