సర్పంచి

సర్ అర్థం పెద్ద (నాయకుడు) మరియు పంచ్ అర్థం నిర్ణయించువారు, దీని ప్రకారం సర్పంచి అనగా గ్రామం యొక్క నిర్ణయ రూపకర్తల పెద్ద.

సర్పంచులను ఎంపిక చేసేటప్పుడు ప్రభుత్వం స్థానిక ప్రజలకు తెలిసేలా ఒక ప్రకటన విడుదల చేస్తుంది. కొన్ని స్థానాలను రిజర్వేషన్ ప్రకారం కేటాయిస్తారు, ఈ స్థానాలలో సర్పంచి పదవికి రిజర్వేషన్ ఉన్నవారు మాత్రమే పోటీ చేయవలసి ఉంటుంది.

గ్రామ పంచాయితికి పోటీ చేసే వ్యక్తి అదే పంచాయితిలో ఓటు హక్కును కలిగి ఉండాలి. 21 సంవత్సరాలు నిండి ఉండాలి. ముగ్గురు బిడ్డలు ఉండకూడదు. పదవ తరగతి పాసై ఉండాలి.

గ్రామ పంచాయతికి సర్పంచితో పాటు ఎన్నుకోబడిన మెంబర్లలో ఒకరిని ఉపసర్పంచిగా ఎన్నుకుంటారు, ఉపసర్పంచిని మెజారిటీ పరంగా మెంబర్లే ఎన్నుకుంటారు, ఉపసర్పంచి పదవికి పోటీ పడిన అభ్యుర్థులలో ఎవరికి స్పష్టమైన మెజారిటీ లేని పక్షంలో వారిలో ఒకరిని ఉపసర్పంచిగా సర్పంచి ఎన్నుకుంటాడు.

రిజర్వేషన్ కేటాయించిన స్థానాలలో, రిజర్వేషన్ ఉన్నవారు ఎవరు లేనట్లయితే, లేక రిజర్వేషన్ ఉన్నా వారు సర్పంచి పదవికి పోటీ చేయనట్లయితే ఉప సర్పంచిగా ఎన్నుకోబడిన వ్యక్తే సర్పంచిగా (ఇన్‌ఛార్జి సర్పంచిగా) బాధ్యతలు స్వీకరిస్తాడు.