సరీసృపాలు

సరీసృపాలు (ఆంగ్లం: Reptiles) భూమిపై గుడ్లు పెట్టే మొట్టమొదటి నిజమైన భూచర జీవులు. ఇవి 270 మిలియన్ సంవత్సరాల క్రితం లాబిరింథోడాంట్ ఉభయచరాల నుంచి పరిణామం చెందాయి. సరీసృపాల విజ్ఞానాన్ని 'హెర్పటాలజీ' అంటారు.

సరీసృపాలు
Temporal range: కార్బోనిఫెరస్ యుగం - ప్రస్తుత కాలం
A Tuatara, స్ఫీనోడాన్ పంక్టేటస్
శాస్త్రీయ వర్గీకరణ
రాజ్యం: ఏనిమేలియా
విభాగం: కార్డేటా
ఉప వర్గం: సకశేరుకాలు
తరగతి: సారాప్సిడా *
గుడ్రిచ్, 1916
ఉపతరగతులు
  • అనాప్సిడా
  • డయాప్సిడా
పర్యాయపదాలు
  • Reptilia Laurenti, 1768

సాధారణ లక్షణాలు

  • ఇవి మొదటి నిజ భూచరాలు. చర్మం పొడిగా ఉంటుంది. వీటికి చర్మీయ గ్రంథులు లేవు.
  • దేహం పొడిగా ఉన్న బహిత్వచ స్కూట్ లు లేదా పొలుసులతో కప్పబడి ఉంటుంది.
  • గోళ్ళను కలిగియున్న పంచాంగుళిక అంగాలు ఉంటాయి.
  • కపాలం ఒక అనుకపాల కందాన్ని కలిగి ఒకటి లేదా ఎక్కువ శంఖఖాతాలను కలిగి ఉంటుంది.
  • కింది దవడకు అర్ధభాగంలో ఆరు ఎముకలు ఉంటాయి.
  • ఉరోస్థి బాగా అభివృద్ధి చెంది పర్శుకలను కలిగి ఉంటుంది.
  • ఉరోమేఖలలో ఆకారపు అంతర జత్రుక ఉంటుంది. కశేరుకాలు పురోగర్తికలు.
  • సమదంతాలు, ఆక్రోడాంట్ లేదా ప్లూరోడాంట్ దంతాలను కలివి ఉంటాయి.
  • ఆవస్కరం మూడు భాగాలుగా విభజించి ఉంటుంది. ఇవి కోప్రాడియం, యూరోడియం, పాయుపదం.
  • శ్వాసక్రియ ఊపిరితిత్తుల ద్వారా జరుగుతుంది. సముద్ర తాబేళ్ళలో అవస్కర శ్వాసక్రియ కనిపిస్తుంది.
  • వీటిలో మూడు గదుల గుండె ఉంటుంది.
  • మూత్రపిండాలు అంత్యవృక్కాలు. విసర్జక పదార్థం యూరిక్ ఆమ్లం.
  • కేంద్ర నాడీ వ్యవస్థ ఉభయచరాల కంటే బాగా అభివృద్ధి చెందింది. 12 జతల కపాల నాడులుంటాయి (సర్పాలలో 10 జతలు మాత్రమే ఉంటాయి.
  • మగ జీవులలో సంపర్కావయవాలు ఉంటాయి. స్పీన్ డాన్ లో సంపర్కావయవాలు లేవు.
  • చాలా జీవులు అండోత్పాదకాలు.

వర్గీకరణ

  • ఉపవిభాగం 1: అనాప్సిడా
    • క్రమం: కీలోనియా: ఉ. తాబేలు, టెర్రపిన్
  • ఉపవిభాగం 2: ఇక్తియోప్టెరిజియా
  • ఉపవిభాగం 3: సినాప్సిడా
  • ఉపవిభాగం 4: సినాప్టోసారియా
  • ఉపవిభాగం 5: లెపిడోసారియా
  • ఉపవిభాగం 6: ఆర్కోసారియా
    • క్రమం 1:
    • క్రమం 2: క్రోకడీలియా: ఉ. మొసళ్ళు, ఆలిగేటర్లు


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.