శివయ్య

శివయ్య తన చెల్లెలి చదువు కోసం పల్లెటూరి నుండి పట్నం వస్తాడు. పక్కనే ఉన్న మిఠాయి అంగడి యజమాని కూతురైన శిరీష శివయ్యను ప్రేమిస్తుంటుంది. స్థానిక మార్కెట్ అక్కడ ఉన్న లోకల్ గూండాలైన జ్యోతి, అతని తమ్ముడు పూర్ణ చెప్పు చేతల్లో నడుస్తుంటుంది. అక్కడి వారి బాగు కోసం శివయ్య వారితో తలపడి ఎదిరిస్తాడు. కానీ తనను నమ్మిన వాళ్ళే మోసం చేయడంతో శివయ్య ప్రత్యర్థుల చేతిలో దారుణంగా దెబ్బతింటాడు. అతని చెల్లెల్ని గూండాలు అందరూ చూస్తుండగా మానభంగం చేస్తాడు.

ఇంతలో అక్కడికి రోజా అనే పోలీస్ ఇన్స్పెక్టర్ వచ్చి శివయ్య గతాన్ని గురించి చెబుతుంది. తన కుటుంబ గౌరవం కాపాడ్డం కోసం తన ప్రేమించిన అమ్మాయిని ఎలా వదులుకున్నదీ చెబుతుంది. చివరికి ప్రజల్ని చైతన్యవంతుల్ని చేసి కోర్టులో గూండాలకు వ్యతిరేకంగా సాక్ష్యం చెప్పించి వారికి శిక్ష పడేలా చూడ్డంతో కథ ముగుస్తుంది.

1997 నవంబరు 7 న తూర్పుగోదావరి జిల్లా, కోడూరుపాడు గ్రామంలో ఈ చిత్రం ప్రారంభమైంది. పల్లెటూరు నేపథ్యంలో ఉన్న దృశ్యాలను ఇక్కడే చిత్రీకరించారు. మిగతా భాగాలు హైదరాబాదు, దాని పరిసర ప్రాంతాల్లో చిత్రీకరించారు. రవిబాబు ఈ చిత్రంతో ప్రతినాయకుడిగా పరిచయం అయ్యాడు.[3]

• శివయ్య గా రాజశేఖర్
• పోలీస్ ఆఫీసరు రోజా గా మోనికా బేడి
• శిరీష గా సంఘవి
• చలపతి రావు
• శ్రీహరి
• రవిబాబు
• గిరిబాబు
• అట్లూరి పుండరీకాక్షయ్య
• కోళ్ళ అశోక్ కుమార్
• కోట శంకరరావు
• నర్సింగ్ యాదవ్
• భాస్కర్ గా రాజా రవీంద్ర
• నరసింహ రాజు
• శివకృష్ణ
• కె.కె.శర్మ
• గణేశ్
• వేణుమాధవ్
• అతిథి పాత్రలో దగ్గుబాటి రామానాయుడు

ఈ చిత్ర శతదినోత్సవం 1998 జులై 12న రామానాయుడు స్టూడియో లో జరిగింది.[3]

ఈ చిత్రంలోని పాటలకు ఎం. ఎం. శ్రీలేఖ ఈ చిత్రానికి స్వరరచన చేసింది. సి. నారాయణ రెడ్డి, జొన్నవిత్తుల, చంద్రబోస్ పాటలు రాశారు.

• మొదటిసారి ముద్దు పెడితే ఎలాగుంటది
• నడిచే దేవుడు
• ఓ రంగనాథా
• ప్రేమనగరు వాణిశ్రీలా ఉంటే
• ఎక్కడుందిరా ఆ చట్టం