శారద

తాడిపర్తి శారద (జ. జూన్ 25, 1945) తెలుగు, మలయాళ సినిమా నటి. 1945 జూన్ 25న గుంటూరు జిల్లా, తెనాలిలో జన్మించిన శారద అసలు పేరు సరస్వతి. శారద, 1996లో 11వ లోక్‌సభకు తెనాలి నియోజవర్గము నుండి తెలుగుదేశం పార్టీ తరఫున ఎన్నికైనది[1]. బాలనటిగా సినీ జీవితాన్ని ప్రారంభించిన శారద మూడు సార్లు ఊర్వశి అవార్డును అందుకొని ఊర్వశి శారదగా ప్రసిద్ధి చెందినది. [2]

ఈ వ్యాసం సినీ నటి శారద గురించి. ఇతర వాడుకల కొరకు, శారద (అయోమయ నివృత్తి) చూడండి.
శారద(sharada)
జననంతాడిపత్రి సరస్వతి
(1945-06-25) 1945 జూన్ 25
తెనాలి, గుంటూరు జిల్లా
ఇతర పేర్లుఊర్వశి శారద
వృత్తినటి
జీవిత భాగస్వామిచలం
తల్లిదండ్రులు
  • వెంకటేశ్వర్లు (తండ్రి)
  • సత్యవతి (తల్లి)

నేపధ్యము

చిన్నతనం నుంచి ఈవిడకు భరత నాట్యం నేర్పించారు. అలా కొన్ని నాటకాల్లో నటించే అవకాశం వచ్చింది. వీరి కుటుంబాల్లో ఇలాంటి వాటికి అంగీకరించరు. ఆడపిల్లలకు 14 ఏళ్లకే పెళ్ళి చేసేస్తారు. కానీ ఈమె ఆసక్తి, ప్రతిభ చూసి వీళ్ళఅమ్మ ధైర్యం చేసి పంపించింది. ఇది నచ్చక వీరితో మూడేళ్ల పాటు ఎవరూ మాట్లాడలేదు. రక్త కన్నీరు’ నాటకం ఈవిడ జీవితాన్ని మలుపు తిప్పింది. అందులో నటుడు నాగభూషణంగారి పక్కన హీరోయిన్ వేషం.

వీళ్ళ నాన్నగారు వెంకటేశ్వర్లుది బంగారు నగల తయారీ వ్యాపారం. బర్మా వెళ్లాలనుకుని, కొన్నాళ్లు మద్రాసులో కాపురం పెట్టారు. రెండు మూడేళ్లు ఉండి, కుదరక తిరిగి తెనాలి వెళ్లిపోయారు. ఆ సమయంలోనే ‘కన్యాశుల్కం’లో నటించే అవకాశం వచ్చింది. 1955లో కన్యాశుల్కం సినిమాలో బాలనటిగా ఈమె రంగప్రవేశం చేసింది. 1955 నుండి 1961 బాలనటిగా ఉన్న శారద, ఆ తరువాత హాస్యనటిగా కొనసాగినది. ఈమె 1975లో ఒక మలయాళీని పెళ్ళి చేసుకొని కేరళకు తరలి వెళ్ళింది. అక్కడ ఉన్న సమయములో అనేక మలయాళ సినిమాలలో నటించింది. ఈమె నటించిన మలయాళ చిత్రం స్వయంవరంలో నటనకు గాను శారదకు జాతీయ అవార్డు లభించింది. ఈ సినిమా చాలా విజయవంతమవడముతో నాలుగు భాషలలో తీశారు. అదే పాత్రను ఈమె నాలుగు వేర్వేరు భాషలలో పోషించవలసి వచ్చింది. హిందీ మరియు తెలుగు భాషలలో తీసిన స్వయంవరం సినిమాలు కూడా విజయవంతమయ్యాయి. శారద మలయాళంలో నటించిన తులాభారం సినిమాకు మరియు తెలుగులో నటించిన నిమజ్జనం సినిమాలకు గాను రెండు సార్లు ఉర్వశి ఆవార్డు అందుకొన్నది. ఈ సినిమాలు విడుదలైన తర్వాత అప్పటిదాక హాస్య ప్రధాన పాత్రలలో నటించిన శారదకు గంభీరమైన పాత్రలు రావటం మొదలయ్యింది. ఇతర దక్షిణాది భాషల సినిమాలలో నటిస్తూ జిజీ అయిన శారద చండశాసనుడు సినిమాతో తిరిగి తెలుగు సినిమా రంగములో ప్రవేశించింది. తెనాలి పట్టణానికి చేనేత వర్గానికి చెందిన శారద 1996వ సంవత్సరంలో రాజకీయ రంగ ప్రవేశం చేశారు. అప్పట్లో తెలుగుదేశం పార్టీ అభ్యర్థిగా తెనాలి పార్లమెంటు సీటుకు పోటీ చేసి ప్రస్తుత జిల్లా కాంగ్రెస్ కమిటీ అధ్యక్షుడు సింగం బసవపున్నయ్యపై గెలిచారు.పార్లమెంటు సభ్యురాలిగా ఉన్న కాలములో తన నియోజక వర్గానికి రైల్వే లైనును మంజూరు అయ్యేలా చేసింది. రోడ్లు మరియు పాఠశాలలు కట్టించింది. అయితే రెండేళ్లకే అప్పట్లో లోక్‌సభ రద్దు కావడంతో తిరిగి 1998వ సంవత్సరంలో ఎన్నికలు జరిగాయి. రెండవ పర్యాయం లోక్‌సభకు పోటీచేసినప్పుడు పి శివశంకర్‌ పై ఓడిపోయింది. 24.2.2009 మహాశివరాత్రి రోజున ఆమె ముఖ్యమంత్రి సమక్షంలో కాంగ్రెస్ పార్టీలో చేరారు. 8 సంవత్సరాల తర్వాత తిరిగి సినిమా రంగములో ప్రవేశించి మూడో విడత ప్రారంభించింది. ఈమె పట్టణ స్త్రీలకు పని కల్పించే ఉద్దేశముతో లోటస్ చాక్‌లేట్ల వ్యాపారాన్ని ప్రారంభించింది. అయితే శారద రోజు రోజూ వ్యాపార వ్యవహారాలలో తలదూర్చలేదని కేవలం స్థాపకురాలినేనని చెప్పుకున్నది. ఈ ఫ్యాక్టరీ నష్టాలలో ఉండగా ఈమె దీన్ని ఇతరులకు అమ్మింది.

శారద నటించిన తెలుగు చిత్రాలు

మూలాలు

  1. http://parliamentofindia.nic.in/ls/lok11/biodata/11ap38.htm
  2. మద్రాసు ఫిలిం డైరీ. 1966-97లో విడుదలైన చిత్రలు (కళా ప్రింటర్స్ ed.). గోటేటి బుక్స్. p. 128. |access-date= requires |url= (help)

బయటి లింకులు

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.