వెల్వడం

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ద్వారా ఉత్తర్వులు జారీ అయ్యాయి.[2]

కృష్ణా జిల్లాలోని మండలాలు, గ్రామాలు

మైలవరం మండలం

ఈ గామంలో ఒక శివాలయం ఉంది. ఈ ఆలయంలో శివుడు స్వయంభూగా "వెలిసినాడని", గ్రామానికి "వెల్వడం" అని పేరు వచ్చింది. [5]

[3] సముద్రమట్టానికి 69 మీ. ఎత్తు

సమీప గ్రామాలు

సమీప మండలాలు

వెల్వడంలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి. ప్రధాన జిల్లా రహదారి గ్రామం గుండా పోతోంది. జిల్లా రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి. మైలవరం, నూజివీడు నుండి రోడ్దురవాణా సౌకర్యం ఉంది. రైల్వేస్టేషన్; విజయవాడ 31 కి.మీ దూరంలో ఉంది.

గ్రామంలో ప్రభుత్వ ప్రాథమిక పాఠశాలలు మూడు, ప్రైవేటు ప్రాథమిక పాఠశాల ఒకటి, జిల్లాపరిషత్ ఉన్నత పాఠశాల, ఎస్.ఎస్.పబ్లిక్ ప్రాథమికోన్నత పాఠశాల, వెల్వడం, ప్రభుత్వ ప్రాథమికోన్నత పాఠశాల ఒకటి, ప్రైవేటు ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. సమీప బాలబడి మైలవరంలో ఉంది. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల మైలవరంలో ఉన్నాయి. సమీప మేనేజిమెంటు కళాశాల మైలవరంలోను, వైద్య కళాశాల, పాలీటెక్నిక్‌లు విజయవాడలోనూ ఉన్నాయి. సమీప వృత్తి విద్యా శిక్షణ పాఠశాల నూజివీడులోను, అనియత విద్యా కేంద్రం, దివ్యాంగుల ప్రత్యేక పాఠశాల‌లు విజయవాడలోనూ ఉన్నాయి.

ప్రభుత్వ వైద్య సౌకర్యం

ప్రైవేటు వైద్య సౌకర్యం

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు గ్రామం నుండి 5 కి.మీ. లోపు దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి.

బ్యాంకులు

తూర్పు చెరువు:- ఈ ఏడాది వర్షాభావంతో చెరువులో చుక్కనీరు లేకపోవడంతో,, ప్రభుత్వం ప్రతిష్ఠాత్మకంగా చేపట్టిన నీరు-చెట్టు కార్యక్రమంలో భాగంగా, 2016,మే-15న, ఈ చెరువులో పూడికతీత కార్యక్రమాన్ని ప్రారంభించారు. గ్రామస్థులు తమ ట్రాక్టర్లతో, నల్లరేగడి మట్టి అయిన ఈ పూడిక మట్టిని తమ పొలాలకు, మామిడి తోటలకు మరియు తమ ఇళ్ళ స్థలాలు మెరక చేసుకొనుటకు తరలించుకొని పోవుచున్నారు. ఈ విధంగా చేయుట వలన, తమ పొలాలకు ఎరువుల ఖర్చు తగ్గుటయేగాక, చెరువులో నీటి నిలువ సామర్ధ్యం పెరిగి, భూగర్భ జలాలు అభివృద్ధి చెందగలవని రైతులు సంతోషం వ్యక్తం చేస్తున్నారు. []

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

ఈ గ్రామ పంచాయతీకి 2013 జూలైలో జరిగిన ఎన్నికలలో శ్రీమతి గాలి వసుంధర సర్పంచిగా ఎన్నికైనారు.[4]

శ్రీ విజయలక్ష్మీ వెంకటపరమేశ్వర ఆలయం

శ్రీ బాలకోటేశ్వరస్వామివారి ఆలయం

శివాలయం

1. వెల్వడం, అమెరికా దేశం,, కాలిఫోర్నియా రాష్ట్రంలోని బర్కిలీలో పెద్ద భూస్వామి అయిన లక్కిరెడ్డి బాలిరెడ్డి స్వగ్రామం.
2. స్వాతంత్ర్య సమరయోధులైన కీ.శే.బోజెడ్ల వెంకటేశ్వరరావుగారి స్వగ్రామం ఈ గ్రామమే. [4]
3. "సాహితి" కలం పేరుతో, ప్రసిద్ధిగాంచిన ప్రముఖ చలనచిత్ర గేయ రచయిత శ్రీ చెరుకుపల్లి శ్రీరామచందమూర్తి, ఈ గ్రామ వాస్తవ్యులే. [1]
4. శ్రీ కోమటి జయరాం:- వీరు ఇటీవల తానా (ఉత్తర అమెరికా తెలుగు అసోసియేషన్) మాజీ ఆధ్యక్షులు. వీరు అమెరికాలో, ఆంధ్రప్రదేశ్ రాష్ట్ర ప్రభుత్వ ప్రత్యేక ప్రతినిధిగా పదవీ బాధ్యతలు స్వీకరించారు. [6]

1. ఇక్కడి ప్రజలలో చాలామంది అమెరికాలో వివిధ వృత్తులలో పనిచేస్తూ ఉన్నందున ఈ ఊరిని చిన్న ఆమెరికా అని పిలుస్తారు. ఈ ప్రవాసాంధ్రులు వెల్వడంలోని పేదల శ్రేయస్సుకు, గ్రామాభివృద్ధికి ఎంతగానో తోడ్పడుతున్నారు.
2. వెల్వడం గ్రామం, భారత జీవిత బీమా సంస్థ (ఎల్.ఐ.సి) ద్వారా బీమా గ్రామం గా ఎంపికైనది. ఈ సందర్భంగా ఆ సంస్థ వారు, 2017,ఫిబ్రవరి-27న ఈ గ్రామాభివృద్ధికి ఒక రూపాయలను అందించారు. [7]

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. శాసనసభ పోలింగ్ కేంద్రం, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం, ఆటల మైదానం గ్రామం నుండి 5 కి.మీ. లోపు దూరంలో ఉన్నాయి. సినిమా హాలు, గ్రంథాలయం గ్రామం నుండి 5 కి.మీ.లోపు దూరంలో ఉన్నాయి.

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

వెల్వడంలో భూ వినియోగం కింది విధంగా ఉంది:

• అడవి: 317 హెక్టార్లు
• వ్యవసాయేతర వినియోగంలో ఉన్న భూమి: 247 హెక్టార్లు
• వ్యవసాయం సాగని, బంజరు భూమి: 40 హెక్టార్లు
• శాశ్వత పచ్చిక ప్రాంతాలు, ఇతర మేత భూమి: 31 హెక్టార్లు
• తోటలు మొదలైనవి సాగవుతున్న భూమి: 6 హెక్టార్లు
• వ్యవసాయం చేయదగ్గ బంజరు భూమి: 21 హెక్టార్లు
• సాగులో లేని భూముల్లో బీడు భూములు కానివి: 202 హెక్టార్లు
• బంజరు భూమి: 307 హెక్టార్లు
• నికరంగా విత్తిన భూమి: 962 హెక్టార్లు
• నీటి సౌకర్యం లేని భూమి: 892 హెక్టార్లు
• వివిధ వనరుల నుండి సాగునీరు లభిస్తున్న భూమి: 579 హెక్టార్లు

వెల్వడంలో వ్యవసాయానికి నీటి సరఫరా కింది వనరుల ద్వారా జరుగుతోంది.

• బావులు/బోరు బావులు: 56 హెక్టార్లు
• చెరువులు: 523 హెక్టార్లు

వెల్వడంలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

పారిశ్రామిక ఉత్పత్తులు

ప్రధాన వృత్తులు

2001 వ.సంవత్సరం జనాభా లెక్కల ప్రకారం గ్రామ జనాభా 6389.[7] ఇందులో పురుషుల సంఖ్య 3255, స్త్రీల సంఖ్య 3134, గ్రామంలో నివాస గృహాలు 1573 ఉన్నాయి. గ్రామ విస్తీర్ణం 2137 హెక్టారులు.

జనాభా (2011) - మొత్తం 6,905 - పురుషుల సంఖ్య 3,469- స్త్రీల సంఖ్య 3,436 - గృహాల సంఖ్య 1,937

• చెరుకుపల్లి శ్రీరామచంద్రమూర్తి : సినిమా గేయ రచయిత.

1. "Office of the Registrar General & Census Commissioner, India - Village amenities of 2011".
2. http://crda.ap.gov.in/APCRDA/Userinterface/ADMIN/DynamicHorizantalGovTab.aspx
3. "వెల్వడం". Retrieved 15 June 2016.
4. ఈనాడు కృష్ణా/మైలవరం, ఆగష్టు 5, 2013. 2వ పేజీ.
5. ఈనాడు తీర్ధ యాత్ర పేజీ, 12 నవంబరు 2013.
6. ఈనాడు అమరావతి/మైలవరం; 2017,ఫిబ్రవరి-23; 2వపేజీ.
7. భారత ప్రభుత్వం నిర్వహించిన 2011 గణాంకాల జాలగూడు

[4] ఈనాడు కృష్ణా/మైలవరం; 2013,నవంబరు-30; 1వపేజీ. [5] ఈనాడు ఆదివారం అనుబంధం; 2015,మార్చి-29; 12వపేజీ. [6] ఈనాడు అమరావతి; 2016,ఫిబ్రవరి-2; 28వఫేజీ. [7] ఈనాడు అమరావతి/మైలవరం; 2017,ఫిబ్రవరి-28; 1వఫేజీ. [8] ఈనాడు అమరావతి/మైలవరం; 2017,మార్చి-6; 2వపేజీ.