లక్ష్మీపురం (చందర్లపాడు)

నూతనంగా నిర్మించిన ఈ ఆలయాలలో విగ్రహ ప్రతిష్ఠా మహోత్సవాలలో భాగంగా, 2017,మార్చి-13వతేదీ సోమవారంనాడు, పూజా కార్యక్రమాలు నిర్వహించారు. యాగశాలలో దంపతులు పూజలు చేసారు. పురాణ ప్రవచనం నిర్వహించారు. 14వతేదీ మంగళవారంనాడు ఆలయాలలో జలాధివాసం కార్యక్రమం కోలాహలంగా నిర్వహించారు. గ్రామస్థులు ప్రతి ఇంటి నుండి బిందెలతో నీటిని తీసికొని వచ్చి, ఆలయాలలో అభిషేకాలు నిర్వహించారు. ధ్వజస్తంభాలను, ప్రతిష్ఠించవలసిన విగ్రహాలకు గ్రామోత్సవం నిర్వహించారు. అనంతరం గుడిమెట్ల గ్రామ సమీపంలోని కృష్ణానది వద్దకు తీసికొనివెళ్ళి, ప్రత్య్కపూజలు నిర్వహించి, జలాధివాసం నిర్వహించారు. మహిళలు, భక్తులు అనేకంగా వాహనాలలో నదివద్దకు చేరుకొని, ఈ కార్యక్రమాన్ని తిలకించారు. భక్తులతో కృష్ణానదీతీరం కోలాహలంగా కనిపించింది. 16వతేదీ గురువారంనాడు విగ్రహాల ప్రతిష్ఠ, అనంతరం అన్నదానం నిర్వహించారు. పలు గ్రామాలనుండి భక్తులు బారీగా తరలి వచ్చారు. [1]&[2]