రాహుల్ ద్రవిడ్

1973 జనవరి 11 న మధ్యప్రదేశ్ లోని ఇండోర్లో జన్మించిన రాహుల్ ద్రవిడ్ (Rahul Sharad Dravid) 1996 నుంచి భారత క్రికెట్ జట్టుకు ప్రాతినిధ్యం వహిస్తున్నాడు. అంతర్జాతీయ క్రికెట్ కౌన్సిల్ చే ప్రపంచంలోని 10 అత్యుత్తమ క్రికెటర్లలో ఒకడిగా గుర్తింపును పొందినాడు [1]. అంతేకాకుండా టెస్ట్ క్రికెట్ బ్యాటింగ్ సగటులో భారతీయులలో అతనిదే అగ్రస్థానం [2] .సునీల్ గవాస్కర్ మరియు సచిన్ టెండుల్కర్ ల తర్వాత భారత్ తరఫున టెస్ట్ క్రికెట్ లో 9000 పరుగులు పూర్తిచేసిన మూడవవాడు రాహుల్ ద్రవిడ్.[3]. ఫిబ్రవరి 6, 2007న వన్డేలలో 10,000 పరుగులు పూర్తిచేసి ఈ ఘనతను సాధించిన ఆరవ బ్యాట్స్‌మెన్ గా, సచిన్ టెండుల్కర్ మరియు సౌరవ్ గంగూలీల తర్వాత మూడో భారతీయుడిగా అవతరించాడు.[4] సెప్టెంబర్ 14, 2007న భారత జట్టు నాయకత్వ బాధ్యతల నుంచి తప్పించుకుంటున్నట్లు ప్రకటించాడు.[5] ప్రస్తుతం భారత టెస్ట్ మరియు వన్డే జట్టుకు ప్రాతినిధ్యం వహిస్తున్నాడు. మార్చి 29, 2008న దక్షిణాఫ్రికాతో జరిగిన చెన్నై టెస్టులో 10,000 పరుగుల మైలురాయిని అధికమించి ఇందులోనే ఈ ఘనత వహించిన ఆరవ బ్యాట్స్‌మెన్‌గాను, మూడవ భారతీయుడిగాను రికార్డు సృష్టించాడు. అంతేకాకుండా అతి తక్కువ కెరీర్ సమయంలో 10 వేల పరుగులను పూర్తి చేసిన రికార్డు స్థాపించాడు.[6] అంతేకాకుండా కెరీర్ లో 10 వేల పరుగులను వన్డేలలో, టెస్టులో పూర్తి చేసిన ప్రపంచ మూడవ ఆటగాడు. ఇప్పటికి ఆ ఘనతను సాధించినది సచిన్ టెండుల్కర్ మరియు బ్రియాన్ లారా మాత్రమే.

రాహుల్ ద్రవిడ్
					India
వ్యక్తిగత సమాచారం
బ్యాటింగ్ శైలి	కుడిచేతి బ్యాట్స్‌మన్
బౌలింగ్ శైలి	రైట్-ఆర్మ్ ఆఫ్‌స్పిన్
కెరీర్ గణాంకాలు
	Tests	ODIs
మ్యాచ్‌లు	136	339
పరుగులు	11182	10765
బ్యాటింగ్ సగటు	53.50	39.43
100లు/50లు	27/57	12/82
అత్యుత్తమ స్కోరు	270	153
ఓవర్లు	20	31
వికెట్లు	1	4
బౌలింగ్ సగటు	39.00	42.50
ఒకే ఇన్నింగ్స్ లో 5 వికెట్లు	0	-
ఒకే మ్యాచ్ లో 10 వికెట్లు	0	n/a
అత్యుత్తమ బౌలింగ్	1/18	2/43
క్యాచ్ లు/స్టంపింగులు	186/-	196/14
As of నవంబరు 27, 2009 Source: