ముకురాల రామారెడ్డి

ఇతడు పాలమూరు జిల్లా, కల్వకుర్తి మండలం ముకురాల గ్రామంలో 1929 జనవరి 1వ తేదీన జన్మించాడు. 1947-48లో నిజాం వ్యతిరేక ఉద్యమంలో పాల్గొన్నాడు. తెలుగులో ప్రాచీన కవుల సృజనాత్మక ప్రతిభ అనే అంశంపై పరిశోధన చేసి పి.హెచ్.డి. పట్టా పొందాడు. తెలుగు అకాడెమీ ఉపసంచాలకులుగా పనిచేశాడు. దుందుభి అనే మాసపత్రికకు సంపాదకత్వం వహించాడు. ఆంధ్ర సారస్వత పరిషత్తు, తెలంగాణా రచయితల సంఘం, విజ్ఞానవర్ధని పరిషత్ మొదలైన సంస్థలలో చురుకుగా పాల్గొన్నాడు.ఇతడు 2003, ఫిబ్రవరి 24న మరణించాడు.

1. తెలుగు ఉన్నత వాచకం (సంపాదకత్వం)
2. దేవరకొండ దుర్గము
3. నవ్వేకత్తులు (దీర్ఘ కవిత) [1]
4. హృదయశైలి (గేయ సంపుటి)
5. మేఘదూత (అనువాద కవిత్వం)
6. రాక్షస జాతర (దీర్ఘ కవిత)
7. ఉపరిశోధన (పరిశోధనా పత్రాల సంకలనం)
8. తెలుగు సాహిత్య నిఘంటువు
9. ప్రాచీన తెలుగు కవిత్వంలో కవితాత్మక భావపరిణామం ( సిద్ధాంత గ్రంథం)

ఇతడు కొన్ని కథలు వ్రాశాడు. భూమిశిస్తు కథలో సర్కారుకు పన్ను కట్టలేక తాను నమ్ముకున్న భూమిని అమ్ముకున్న పేదరైతు ఇక్కట్లు చిత్రించాడు[2]. 1988 ఆంధ్రజ్యోతి దీపావళి సంచికలో ఇతని క్షణకోపం కోపక్షణం కథ ప్రచురితమైనది[3]. 'విడిజోడు ' కథకు కృష్ణాపత్రిక కథల పోటీలో ద్వితీయ బహుమతి లభించింది.[4]