మళ్ళీ పెళ్ళి (1939 సినిమా)

జనార్ధనరావు పంతులు (బలిజేపల్లి) ఒక వకీలు. అతను సనాతన ఆచార వ్యవహారాలకు కట్టుబాట్లకు విలువనిచ్చే ఛాందసవాది. తన ఆరు సంవత్సరాల వయసున్న కూతురు లలిత (కాంచనమాల) ను ఒక ముసలాడికి ఇచ్చి పెళ్ళి చేయగా అతను కొద్దికాలంలోనే చనిపోతాడు. ఫలితంగా లలిత చిన్నతనంలోనే విధవగా మారుతుంది. లలిత తీవ్రమైన కట్టుబాట్లు మధ్య పెరుగుతుంది.

కలియుగానందస్వామి అనే పేరుతో ఒక స్వాములవారు ఆ వూళ్ళో ప్రవేశించి జనార్దనరావు ఇంట్లో దిగుతాడు. స్వాములవారి పేరు వూరంతా పాకిపోయింది. వారి తీర్థప్రసాదాలు తింటే స్వర్గం తప్పదన్న విశ్వాసంతో ప్రజలందరూ ఆయన దర్శనం కోసం ఎగబడసాగారు. స్వాములవారు జనార్థనరావును తన చేతిలో కీలుబొమ్మను చెసుకుని, వూళ్ళో అధికారం చెలాయిస్తుంటాడు.

ఒకరోజు ఎవరో పేరంటానికి పిలవడానికి వచ్చి తెలియక లలిత మొఖాన బొట్టు పెట్టారు. ఆ బొట్టు స్వాములవారు చూసి కళ్లెర్ర జేసి మతానికి తీరని కళంకం జరిగిందని ఆర్భాటం చేస్తారు. అమ్మలక్కలందరూ నానా మాటలంటారు. లలితకు తీరని దుఃఖం కలుగుతుంది.

ఆమెకు సుందరరావు (వై.వి.రావు) అనే సంఘ సంస్కర్త పరిచయమవుతాడు. అతడు ఆమెకు నచ్చజెప్పి, ఒప్పించి, ప్రాచీన కట్టుబాట్ల నుంచి విముక్తిరాలిని చేసి మళ్ళీ పెళ్ళి చేసుకుంటాడు.

• ఆనందమేగా వాంఛనీయము
• చెలి కుంకుమమే పావనమే
• కోయిలరో ఏదీ నీ ప్రేమగీతి
• నా సుందర సురుచిర రూపా
• గోపాలుడే మా గోపాలుడే

• నాటి 101 చిత్రాలు, ఎస్.వి.రామారావు, కిన్నెర పబ్లికేషన్స్, హైదరాబాదు, 2006.

• ఐ.ఎమ్.డి.బి.లో మళ్ళీ పెళ్ళి పేజీ.