పూనమ్ బజ్వా

పూనమ్ ముంబై లోని పంజాబీ కుంటుబంలో 1985, ఏప్రిల్ 05 న జన్మించింది. తండ్రి అమర్జిత్ సింగ్ నౌకాదళ అధికారి, తల్లి దీపికా సింగ్ గృహిణి. చెల్లెలు పేరు దయా. 2005 లో మిస్ పూణేగా గెలిచింది. పై చదువులు చదువుకుంటూనే పార్ట్ టైమ్ మోడలింగ్ ప్రారంభించింది. ఒక రాంప్ షో కోసం హైదరాబాద్ కి వచ్చినపుడు, మొదటి సినిమా దర్శకుడు చూసి తన సినిమాలో నటించాలని కోరారు. 12వ తరగతి చదివిన పూనమ్, తన కాలేజి చదువుకు ఐదు నెలల విరామం ఉండడంతో, చిత్రంలో నటించటానికి అంగీకరించింది. పూణేలోని SIMC నుండి సాహిత్యంలో డిగ్రీ అందుకుంది.

2005లో వచ్చిన మొదటి సినిమా ద్వారా తెలుగు సినీరంగంలోకి అడుగుపెట్టిన పూనమ్, అక్కినేని నాగార్జునతో బాస్, భాస్కర్ దర్శకత్వంలో వచ్చిన పరుగు సినిమాలతో సహా పలు తెలుగు చిత్రాలలో నటించింది.

2008లో హరి దర్శకత్వంలో వచ్చిన సేవల్ అనే మసాలా చిత్రం ద్వారా తమిళంలోకి అడుగుపెట్టి, తనవట్టు, కచేరీ అరామ్బం, ద్రోహి వంటి చిత్రాలలో నటించింది.

కొత్త దర్శకుడు ప్రవీణ్ దర్శకత్వంలో నటించింది. మమ్ముట్టి మరియు మోహన్ లాల్తో కలిసి నటించింది. రఫీ మెకార్టీన్ దర్శకత్వంలో వచ్చిన చైనా టౌన్ అనే మలయాళ సినిమాలో ఎమిలీ పాత్రలో మోహన్ లాల్, దిలీప్, జయరాం, సూరజ్ వెంజారామూడ్, మరియు కావ్య మాధవన్ లతో నటించింది.

'ఓం' సినిమాను తెర‌కెక్కించిన సునీల్ రెడ్డితో పూనమ్ కి రహాస్యంగా పెళ్లి జరిగిందని వార్తలు వచ్చాయి.[2]