పి.సుశీల

పి.సుశీల (పులపాక సుశీల) ప్రముఖ గాయకురాలు. ఐదు జాతీయ పురస్కారాలు, పలు ప్రాంతీయ పురస్కారాలు అందుకొన్న సుశీల, తన గాత్రమాధుర్యంతో 50 సంవత్సరాల సినీ జీవితములో తెలుగు, తమిళం, కన్నడ, మలయాళ, హిందీ, బెంగాలీ, ఒరియా, సంస్కృతం, తుళు, బడగ మరియు సింహళ భాషలలో 50 వేలకు పైగా గీతాలు పాడింది. భాష ఏదయినా అద్భుత కంఠస్వరానికి స్పష్టమైన ఉచ్ఛారణకి సుశీల పెట్టింది పేరు.

పి.సుశీల
వ్యక్తిగత సమాచారం
ఇతర పేర్లు	గాన సరస్వతి, కన్నడ కోగిలె
జననం	(1935-11-13) 1935 నవంబరు 13
మూలం	విజయనగరం, మద్రాస్ ప్రెసిడెన్సి, ప్రస్తుత ఆంధ్రప్రదేశ్, భారత దేశము
రంగం	Playback singing, Carnatic music
వృత్తి	గాయని
వాయిద్యాలు	Vocalist
క్రియాశీల కాలం	1952–ప్రస్తుతం వరకు
వెబ్‌సైటు	psusheela.org

సుశీల 1935లో విజయనగరంలో సంగీతాభిమానుల కుటుంబంలో జన్మించింది. ఈమె తండ్రి పి.ముకుందరావు ప్రముఖ క్రిమినల్ లాయరు. తల్లి శేషావతారం. 1950లో సంగీత దర్శకుడు నాగేశ్వరరావు ఆలిండియా రేడియోలో నిర్వహించిన పోటీలో సుశీలను ఎన్నుకున్నారు. ఆమె ఏ.ఎమ్.రాజాతో కలిసి పెట్ర తాయ్ (తెలుగులో కన్నతల్లి) అనే సినిమాలో ఎదుకు అలత్తాయ్ అనే పాటను తన మొదటిసారిగా పాడింది.