పఠాన్ కోట

పఠాన్ కోట షివాలిక్ పాదపర్వతం వద్ద ఉంది. జిల్లా పాకిస్థాన్ దేశానికి చెందిన నరోవల్ జిల్లాతో అంతర్జాతీయ సరిహద్దును పంచుకుంటుంది. అంతేకాక జిల్లా సరిహద్దులలో హిమాచల్ ప్రదేశ్ లోని చంబా, కాంగ్రా, జమ్మూ మరియు కాశ్మీర్ లోని కతుయా జిల్లాలు ఉన్నాయి. జిల్లాలో ప్రధానంగా బియాస్ మరియు రవి నదులు ప్రవహిస్తున్నాయి.

పఠాన్‌కోట్ పాటియాలా రాజపుత్రులు పాలించిన నుర్పూర్ రాజాస్థానానికి రాజధానిగా ఉంటూ వచ్చింది. ముగల్ చరిత్రకారులు దీనిని పైథన్ (ప్రతిష్ఠానపురం ) అనేవారు. రాజా వాదుదేవ్ కాలంలో (1580-1613) లో రాజధాని పఠాన్‌కోట నుండి ధమేరికి తరలించబడింది.[1][2] సిఖ్ఖుల 12 మంది మిస్లులలో ఒకరైన కంహైయామిస్ల్ ఈ ప్రాంతాన్ని 1781-1796 వరకు పాలించాడు. తరువాత గుజ్రంవాలాకు చెందిన రంజిత్ సింగ్ ఈ ప్రాంతాన్ని స్వాధీనం చేసుకున్నాడు. 1849 వరకు ఇది సిఖ్ఖుల ఆధీనంలో ఉంది. తరువాత ఇది బ్రిటిష్ ఆధీనంలోకి వచ్చింది. జిల్లాలోని ధరివాల్, జపువాల్ మరియు గురుదాస్ నంగల్ గ్రామాలు సిఖ్ఖుల చరిత్రతో సంబంధితమై ఉన్నాయి.

పఠాన్‌కోట్ మునుపు గురుదాస్పూర్ జిల్లాలో భాగంగా ఉంది. 2011 జూలై 27న ఇది పంజాబు రాష్ట్రంలో 22వ జిల్లాగా ఏర్పాటు చేయబడింది. [3][4] పఠాన్‌కోట్ 2 విభాగాలుగా (పఠాన్‌కోట్ మరియు ధర్ కలన్ విభజించబడింది. అదనంగా 2 తాలూకాలుగా విభజించబడింది. నార్‌కోట్ జైమల్ సింగ్ మరియు బమియల్ [4] జిల్లాలో ప్రస్తుతం 421 గ్రామాలు ఉన్నాయి. జిల్లాకు కేంద్రంగా పఠాన్‌కోట్ ఉంది. ఇది సైనికుల నగరంగా పేరు పొందింది.