ద్వారం నరసింగరావు నాయుడు

ఆయన ప్రముఖ సంగీత విద్వాంసుడు ద్వారం వెంకటకృష్ణ నాయుడు కుమారుడు. ఆయన పినతండ్రి ప్రముఖ వాయులీన విద్వాంసుడు మరియు సంగీత కళానిథి బిరుదాంకితుడు అయిన ద్వారం వెంకటస్వామి నాయుడు ఆయన బాల్యం నుండి తన తండ్రి వద్ద సంగీతంలో శిక్షణ పొందాడు. ఆయన శిష్యులు కూడా సంగీత ప్రపంచంలో ప్రసిద్ధి చెందారు. వారిలో నేదునూరి కృష్ణమూర్తి ఒకరు.

ఆయన గాంధర్వ విద్యాభూషణ గాన కళానిథి బిరుదాంకితులు. ఆయన సెప్టెంబరు 5 1908లో ద్వారం వెంకటకృష్ణ నాయుడు మరియు లక్ష్మీనారాయణమ్మ దంపతులకు ఆంధ్ర ప్రదేశ్ రాష్ట్రంలోని విజయవాడలో జన్మించారు. ఆయన తన తండ్రి మరియు పినతండ్రి ద్వారం వెంకటస్వామి నాయుడు వద్ద సంగీతాన్ని అభ్యసించారు. ఆయన విజయవాడ లోని రైల్వే విభాగంలో పనిచేసారు. ఆయన అనేక కచేరీలను రాష్ట్ర వ్యాప్తంగా చేసి వయొలిన్ సోలో విద్వాంసునిగా వినుతికెక్కాడు. ఆయన 1936లో విజయనగరం లోని మహారాజా సంగీత కళాశాలలో వాయులీన విభాగంలో ప్రొఫెసరుగా పనిచేసారు. ఆయన పనిచేసిన కాలంలో ఆయన పెదతండ్రి ద్వారం వెంకటస్వామి నాయుడు అచ్చట ప్రిన్సిపాల్ గా యున్నారు. [1]

ఆయన వాయులీన విద్వాంసునిగా ప్రసిద్ధి చెందారు. ఆయన వాయులీన ప్రక్రియలో అనేక శైలులను అభివృద్ధి చేసారు. ఆయన ద్వారం వెంకటస్వామి నాయుడుతో కలసి దక్షిణ భారతదేశంలో అనెక కచేరీలలో పాల్గొన్నారు. ఆయన సుప్రసిద్ధ సంగీతకారులైన పారుపల్లి రామకృష్ణయ్య పంతులు, మునిగంటి వెంకటరావు పంతులు, డా. శ్రీపాద పినాకపాణి, మంగళంపల్లి బాలమురళీకృష్ణ. చెంబాయ్ విద్యానాథ భాగవతార్, టి.ఆర్.మహలింగం, మహావాది వెంకట అప్పయ్య శాస్త్రి, క్రోవి సత్యనారాయణ శాస్త్రి, సత్తూర్ శఠగోపన్ వంటి వారితో కలసి కచేరీలను చేసారు. ఆయన తన శిష్యుడైన నేదునూరి కృష్ణమూర్తితో కూడా కలసి కచేరీలనిచ్చారు.

నరసింగరావు నాయుడు మార్చి 10 1960 న తన 52 యేండ్ల వయస్సులో మరణించారు. ఆయన పిల్లలు మంచి వాయులీన విద్వాంసులు. వారు దుర్గాప్రసాదరావు (మహారాజా సంగీత కళాశాల, విజయనగరం, విశ్రాంత ప్రిన్సిపాల్), సత్యనారాయణ (ప్రస్తుతం ఆల్ ఇండియా రేడియో, హైదరాబాదులో పనిచేస్తున్నారు), పూసర్ల మనోరమ (భక్తరామదాసు సంగీత కళాశాల, హైదరాబాదు, విశ్రాంత ప్రిన్సిపాల్)

• ద్వారం వెంకటస్వామి నాయుడు
• ద్వారం మంగతాయరు
• ద్వారం లక్ష్మి
• ద్వారం భావనారాయణ రావు

• Dwaram Narasinga Rao Naidu(1908- 1960)
• Sri Dwaram Narasinga Rao Naidu - Violin - Part 1