దేశాల జాబితా – పేదరికంలో ఉన్న జనసంఖ్య శాతం క్రమంలో

వివిధ దేశాలలో పేదరికంలో ఉన్న జనసంఖ్య శాతం (List of countries by percentage of population living in poverty) ఈ జాబితాలో ఇవ్వబడింది.

వివిధ దేశాలలో 'ఆయా దేశాల పేదరిక రేఖ'కు దిగువున ఉన్న జనశాతం సూచించే చిత్ర పటం. ఈ రేఖ ఒకో దేశానికి మారుతుంది. కనుక పోలికలు కష్టమవుతాయి. కొన్ని గణాంకాలు మారి కూడా ఉండవచ్చును.

దేశాలలో పేదరికాన్ని ఇక్కడ రెండు జాబితాలలో చూపబడింది. "పేదరికం" అన్న పదాన్ని వివిధ భావాలలో వాడవచ్చును. ధనం లేకపోవడం ఒకటి. జీవితం గడపడానికి అవుసరమైన కనీసావకాశాలు - తిండి, నీరు, విద్య, ఆరోగ్యం, ఇల్లు వంటి సదుపాయాలు లేకపోవడం కూడా పేదరికమే. పేదరికం అనే పదానికి వివిధ నిర్వచనాలు వాడుతారు. ఈ విషయమై పలు అభిప్రాయ భేదాలు కూడా ఉన్నాయి. ఆదాయం భద్రత (Income security), ఆర్థిక నిలకడ (economic stability), కనీసావసరాలకు సరిపడా వనరులు ముందు ముందు లభిస్తాయనే భరోసా (predictability of one's continued means to meet basic needs) - ఇవన్నీ పేదరికాన్ని అంచనా వేయడానికి ఉపయోగపడే ముఖ్యమైన సూచికలు. కనుక కనీస అవుసరాలకు సరిపడా నిలకడైన రాబడి లేకపోతే ఆ స్థితిని పేదరికం అనవచ్చును.

రోజుకు ఒక డాలర్ కంటే తక్కువ ఖర్చుపై జీవించే ప్రపంచ జనుల శాతం. కొన్ని దేశాలకే వివరాలు లభిస్తున్నాయి.

• మొదటి జాబితా: రోజుకు 1 లేదా 2 డాలర్ల కంటే తక్కువ ఖర్చుతో జీవించే జనుల శాతం.1990-2004 మధ్య కాలంలో లభించిన వివరాల ఆధారంగా.
• రెండవ జాబితా: ఒకో దేశంలోనూ ఒకో విధంగా "పేదరిక రేఖ"ను నిర్వచించారు. ఆయా దేశాలలో వారి పేదరిక రేఖకు దిగువున ఉన్న జనుల శాతం ఇది. కాని ఈ జాబితాను దేశాల మధ్య పోలికలకు వాడడంలో కొన్ని అసమంజసాలున్నాయి. అభివృద్ధి చెందిన దేశాలు సహజంగా తమ దేశపు పేదరిక రేఖను కాస్త మంచి ప్రమాణాలలోనే నిర్వచిస్తారు.

వివరాలు లభించిన దేశాలు మాత్రమే చూపబడ్డాయి.