తెల్ల మద్ది

• అర్జున 60 నుండి 80 అడుగుల ఎత్తుగా పెరిగే వృక్షం. దీని బెరడు తెల్లగా ఉంటుంది. కావున దీనిని తెల్లమద్ది అంటారు.
• బెరడును కోస్తే తెల్లని స్రావం వస్తుంది.
• ఆయుర్వేద వైద్యంలో అర్జున బెరడును గుండె జబ్బుల్లో వాడతారు.
• నునుపైన బూడిద రంగు బెరడుగల పెద్ద ఆకురాలు వృక్షం.
• దీర్ఘచతురస్రాకారంగా గాని, విపరీత అండాకారం నుండి, భల్లాకారంలో గాని గురుఅగ్రంతో ఉన్న సరళ పత్రాలు.
• శాఖాయుతమైన కంకులలో అమరిక లేత పసుపురంగు పుష్పాలు.
• పంచకోణయుతమైన దృఢమైన టెంక గల ఫలాలు.
• అర్జున భారత దేశంలో చాలా చోట్ల పెరుగుతుంది. హిమాలయా ప్రాంతాలు, దక్కను పీఠభూమిలో దీనిని విరివిగా చూడొచ్చు.
• ఈ ఆకు తెలుపు, ఎరుపు రంగులో ఉంటుంది. ఆకారం సూదికొనలతో ఉంటుంది. పరిమాణం మధ్యస్థం. ఈ చెట్టు గుబురుచెట్టుగా పెరుగుతుంది.

అర్జున బెరడులో కాల్షియం, అధికంగా ఉంటుంది. అల్యూమినియం, మెగ్నీషియం కూడా ఉంటాయి.

అర్జునిన్, లాక్టోజ్, అర్జునెంటిన్

దీని బెరడు అధిక రక్తపోటు, గుండె నొప్పి మొదలైన వివిధ రకాలైన గుండె జబ్బులలో చాలా ఉపయోగపడుతుందని పరిశోధనలు నిరూపించాయి.ఆధునిక పరిశోధనలలో కూడా ఇది :కార్డియాక్ టానిక్" గా ఉపయోగపడుతున్నట్లు కనుగొన్నారు. ఇది ఇతర రకాలైన నొప్పులలో ఉపయోగపడుతుంది. తెల్ల మద్ది రక్తంలో కొలెస్టిరాల్ అధికంగా ఉన్నవారికి ఉపయోగపడుతుంది.[1]. ఈ ప్రయోజనాలు ఏంటీ ఆక్సిడెంటు లక్షణాలు కలిగిన ఫ్లేవనాయిడ్ల వలన అని తెలుస్తున్నది. ఇదే కాకుండా నొప్పి మందుల వలన కడుపులో పుండు నుండి రక్షిస్తుంది.[2].

వైద్య విధానాలు

ఈ పత్రి సుగంధభరితంగా ఉంటుంది.

ఈ పత్రితో ఉన్న ఇతర ఉపయోగాలు : ముఖంపై మొటిమలు ఉన్న అమ్మాయిలు మద్ది చెట్టు బెరడు నుంచి చేసిన చూర్ణాన్ని తేనెలో కలిపి ముఖంపై మొటిమలు వచ్చే చోట రాసుకుంటే త్వరగా తగ్గుతాయి. అర్జున బెరడు కషాయంతో కాలినగాయాలు, పుళ్లు తగ్గుతాయి. అర్జున బెరడు చూర్ణాన్ని పాలతో కలిపి తీసుకుంటే వీర్యవర్థకం.

ఆయుర్వేద ఔషధాలు

• 
  Young Tree at Kolkata, West Bengal, India
• 
  Leaves with bathing Coppersmith Barbet at Kolkata, West Bengal, India
• 
  Bark with Immature Oriental Magpie Robin at Kolkata, West Bengal, India
• 
  Bark at Kolkata, West Bengal, India

1. Miller AL (1998). "Botanical influences on cardiovascular disease". Altern Med Rev. 3 (6): 422–31. PMID 9855567.
2. Devi RS, Narayan S, Vani G, Shyamala Devi CS (2007). "Gastroprotective effect of Terminalia arjuna bark on diclofenac sodium induced gastric ulcer". Chem Biol Interact. 167 (1): 71–83. doi:10.1016/j.cbi.2007.01.011. PMID 17327128.CS1 maint: Multiple names: authors list (link)

• సూర్య పత్రికలో వ్యాసం

విక్షనరీ, స్వేచ్చా నిఘంటువు లో తెల్ల మద్దిచూడండి.