తిరుపుళ్ళింగుడి

నమ్మాళ్వార్ "వణ్డనాళాల్" తిరువాయిమొళిలో (9-2-4) "పుళింగుడి కిడందు" (తిరుప్పుళింగుడిలో వెలసి ఉండి) యని సర్వేశ్వరుని "భోగ్యపాక త్వర" అను గుణమును ప్రస్తుతించారు. ఈక్షేత్రమునకు "తెళింద చింతైక్కు మున్నిల్ మూన్ఱు" (నిర్మలమైన హృదయములో ప్రకాశించిన స్వామిగల దివ్యదేశములు మూడు 9-2-4) అను విలక్షణ నామము ఉంది. మిగిలిన రెండు క్షేత్రములు వరగుణమంగై, శ్రీవైకుంఠము. ఇది ఇంద్రునకు బ్రహ్మహత్యాదోషము పోగొట్టిన స్థలము

తిరుప్పుళ్ళింగుడి గుడిలో స్వామి శయనించియున్నాడు. శ్రీవైకుంఠములో నిలచియున్నాడు. ఆళ్వార్లు స్వామిని "స్వామీ! ఒక్కమారైనను సుఖాసీనుడవై దర్శనమును అనుగ్రహింపుము. సంసారులందరు నీపాదములపై బడి నిన్ను స్తోత్రము చేస్తారు. ఆ కమనీయ దృశ్యమును సేవింప నాశగానున్నది" యని ప్రార్థించిరని. ఇచట నొక ఐతిహ్యము ఉంది.

ఒకనాడు పెరుమాళ్ల సన్నిధిలో శ్రీవైష్ణవులు ఒక వైపున గొల్లవాండ్రు ఒకవైపున నిలచి పెరుమాళ్లను సేవించుచుండగా "వంగి పురత్తునంబి" అనువారు శ్రీవైష్ణవ గోష్ఠిని వీడి గొల్లల పంక్తిని చేఋఆడూ. దీనిని చూచిన "ముదలి యాండాన్" "ఇలా ఎందుకు చేసావు?" అని అడుగగా ఎట్లైనను మనకు అభిమానము, అభిజినాహంకారము ఉంటుంది. గొల్లవాండ్ర కవి లేవు. కావున పెరుమాళ్ల దృష్టి వారితోపాటు నామీద కూడ పడుతుందని నిలచాను. సర్వేశ్వరుని దృష్టి మనమీద పడుట నీరు మెరకకు ప్రవహించుట వలె కష్టము. వీరిపై పడుట నీరు పల్లమునకు ప్రవహించుట వలె సుకరము కదా!" యని అన్నాడు.

పాశురాలు

వైష్ణవ దివ్యదేశాలు