గఫార్ (కవి)

గఫార్ విశ్రాంత ఉపాధ్యాయుడు. అచ్చంపేట, సిద్ధాపూర్ తదితర ప్రాంతాలలో ఉపాధ్యాయులుగా సేవలందించారు. ప్రధానోపాధ్యాయులుగానూ విధులు నిర్వహించారు.

1981లో తొలిసారి మారుతున్నది సమాజమా? అనే కవిత రాసి, ఆకాశవాణి హైదరాబాదు కేంద్రం వారు ప్రసారం చేసిన యువవాణి కార్యక్రంలో తన కవితావాణిని వినిపించారు. రేడియోలో ప్రసారమైన తన కవితా పఠనానికి వచ్చిన స్పందన ప్రేరణతో మరింత సంకల్పంతో కవిత్వం రాయడం ప్రారంభించారు. సారా వ్యతిరేక ఉద్యమంలోను, జిల్లాలో చేపట్టిన అక్షరకిరణం కార్యక్రమంలోనూ అనేక గీతాలు రాసి ప్రజలను చైతన్యపరిచారు. మరీముఖ్యంగా అచ్చంపేట ప్రాంతంలోని గిరిజనులలో చైతన్యదీప్తికి తోడ్పడ్డారు. 1993లో సారా వ్యతిరేక ఉద్యమంలో భాగంగా తాను రాసిన సారాక్షసి, మరణగీతం కవితలు కవిగా మంచి పేరును తీసుకువచ్చాయి. ఇప్పటికీ పలు సామాజిక సమస్యలపై కవితలు రచిస్తున్నారు. ఇటీవల నానీలపై దృష్టిసారించి రచనలు చేస్తున్నారు. త్వరలో నానీలతో ఓ కవితా సంకలనాన్ని వెలువరించటానికి సిద్దమవుతున్నారు.

రచనలు

వీరి సాహిత్య కృషికి పలు సాహితీ సంస్థలు సన్మానించాయి. స్నేహా సేవాసంస్థ, పొద్దుటూరు వారు, గురజాడ లలిత కళావేదిక వారు, ప్రపంచ తెలుగు మహాసభల సందర్భంగా జిల్లాలో నిర్వహించిన సన్నాహక కార్యక్రమాలలో జిల్లా కలెక్టర్ కార్యాలయం వారు వీరిని సన్మానించారు.