గన్నవరం శాసనసభ నియోజకవర్గం

విమానాశ్రయం, ఐటీపార్కు . సూరంపల్లి పారిశ్రామిక వాడ, పశుదాణా కర్మాగారం, డెల్టా షుగర్స్‌, పట్టుగూళ్ల పరిశ్రమ, శ్రీనివాస హేచరీస్‌ వంటివి ఉన్నాయి. పెద అవుటుపల్లిలో జోసెఫ్‌ తంబి పుణ్యక్షేత్రం, చిక్కవరం గ్రామములో బ్రహ్మయ్య లింగం ఆలయం, హనుమాన్ జంక్షన్‌లో అభయాంజనేయస్వామి దేవాలయం ఉన్నాయి.

ఈ నియోజకవర్గం నుంచి రాష్ట్ర, జాతీయ స్థాయిలో ప్రముఖుల పేర్లు ఉన్నాయి. కవి విశ్వనాథ సత్యనారాయణ, ప్రముఖ పారిశ్రామిక వేత్త దాసరి జైరమేష్‌, తమిళనాడు మాజీ గవర్నర్‌ పీఎస్‌.రామ్మోహనరావు, పుచ్చలపల్లి సుందరయ్య, కంభంపాటి రామ్మోహనరావు, గద్దె రామ్మోహనరావు, తానా అధ్యక్షుడు టీబీఆర్‌ ప్రసాద్‌, కేవీపీ రామచంద్రరావు వంటి వారు ఎందరో ఉన్నారు.

• బాపులపాడు
• గన్నవరం
• ఉంగుటూరు
• నందివాడ

నైసర్గికం

1983 రాష్ట్ర శాసనసభ ఎన్నికలలో తెలుగుదేశం పార్టీ అభ్యర్థి ముసునూరు రత్నబోస్ తన సమీప ప్రత్యర్థి కాంగ్రెస్ పార్టీ అభ్యర్థి అయిన కొమ్మినేని శేషగిరిరావుపై 1211 ఓట్ల మెజారిటీతో విజయం సాధించాడు. రత్నబోస్‌కు 23436 ఓట్లు రాగా, శేషగిరిరావుకు 22225 ఓట్లు లభించాయి.[1]

2004లో జరిగిన శాసనసభ ఎన్నికలలో గన్నవరం శాసనసభ నియోజకవర్గం నుండి కాంగ్రెస్ పార్టీకిచెందిన ఎం.వెంకటేశ్వరరావు తన సమీప ప్రత్యర్థి అయిన తెలుగుదేశం పార్టీకి చెందిన డి.వి.బలవర్థన్ రావుపై 2235 ఓట్ల ఆధిక్యతతో విజయం సాధించాడు. వెంకటేశ్వరరావుకు 42444 ఓట్లు లభించగా, బలవర్థన్ రావు 40209 ఓట్లు పొందినాడు.

2009 ఎన్నికలలో తెలుగుదేశం పార్టీ తరఫున పోటీచేసిన డి.బాలవర్థనరావు తన సమీప ప్రత్యర్థి, కాంగ్రెస్ పార్టీ అభ్యర్థి పి.వెంకటేశ్వరరావుపై 17195 ఓట్ల ఆధిక్యతతో విజయం సాధించాడు.[2]

ఇంతవరకు సంవత్సరాల వారీగా నియోజకవర్గంలో గెలుపొందిన సభ్యుల పూర్తి వివరాలు ఈ క్రింది పట్టికలో నుదహరించబడినవి.[3]

• ఆంధ్ర ప్రదేశ్ శాసనసభ్యుల జాబితా