గడియారం రామకృష్ణ శర్మ

మహబూబ్ నగర్ జిల్లాకు చెందిన సాహితీవేత్తలలో గడియారం రామకృష్ణ శర్మ ప్రముఖుడు. ఆయన 1919, మార్చి 6న[1] అనంతపురంలో జన్మించాడు. మహబూబ్ నగర్ జిల్లా ఆలంపూర్లో స్థిరపడి రచయితగా మంచి పేరు సంపాదించాడు. ఆలంపూర్‌కు సంబంధించిన చరిత్రను తెలిపే పలు పుస్తకాలు అతని చేతి నుంచి వెలువడినాయి. మాధవిద్యారణ్య అనే పుస్తకం ఆయన రచించిన పుస్తకాలన్నింటిలో ప్రామాణికమైనది. ఆయన 2006, జూలైలో మరణించారు. ఆయన సాహితీ సేవలకు గుర్తింపుగా 2007 కేంద్ర సాహిత్య అకాడమీ అవార్డు (తెలుగు భాషలో) మరణానంతరం ప్రకటించారు [2]. ఆయన సాహితీవేత్తగానే కాకుండా ప్రముఖ స్వాతంత్ర్య సమరయోధుడుగానూ సుప్రసిద్ధుడు. స్వాతంత్ర్య సమరంలో చురుగ్గా పాల్గొన్నాడు. రామకృష్ణ శర్మ సంఘ సంస్కరణ అభిలాషి మరియు రంగస్థల నటుడు కూడా.

గడియారం రామకృష్ణ శర్మ
గడియారం రామకృష్ణ శర్మ
జననం	గడియారం రామకృష్ణ శర్మ 1919, మార్చి 6
మరణం	2006, జూలై
నివాస ప్రాంతం	ఆలంపూర్
ప్రసిద్ధి	రచయిత,సాహితీకారుడు