కటక్

ఉత్కల మణి గోపబంధు దాస్ " ది సమాజ ", మహారాష్ట్ర గత గవర్నర్ మరియు గత ఒడిషా ముఖ్యమంత్రి హరేకృష్ణ మహాతాబ్ స్థాపించిన " ప్రజాతంత్ర ", ఎం.డి. వాక్వర్వ్ యూసఫ్ స్థాపించిన " ఒడిషా ఈవెనింగ్ ఎడిషన్ " మొదలైన పత్రికలు అందుబాటులో ఉన్నాయి.[2]

కటక్ జిల్లాలో ఒకదానికి ఒకటి సమీపంలో పలు మతపరమైన భవనాలు ఉన్నాయి.

• కటక్ చండి ఆలయం :- నగరంలో ప్రఖ్యాతి చెందిన ఆలయాలలో కటక్ చంఢీ ఆలయం ఒకటి. ఆలయప్రధాన దైవం చంఢీదేవి. ఆలయప్రాంగణంలో ఇతరదేవతలకు సంబంధించిన పలు ఉపాలయాలు ఉన్నాయి. ఇక్కడకు సమీపంలో బార్బతి కోటలో గడచంఢీ ఆలయం ఉంది. మహానదీతీరంలో ఉన్న శివాలయం మరియు కోట సమీపంలో ఉన్న గడా గాడియా ఆలయం ఉంది.
• పరమహంసనాథ్ ఆలయం:- పరమహంసనాథ్ ఆలయం కటక్ పట్టణానికి కేంద్రం నుండి 14 కి.మీ దూరంలో బిరిబతి వద్ద ఉంది. ఇక్కడ ఉన్న భట్టారికా ఆలయం, ధబలేశ్వరాలయం, పంచముఖి హనుమాన్ ఆలయాల కంటే పరమహంసనాథ్ ఆలయం పురాతనమైనది. బరాబతి కోటలో గడచంఢీ ఆలయం ఉంది. ఇది కటక్‌లో అతిపురాతనమైన ఆలయంగా భావించబడుతుంది.

ధబలేశ్వరాలయం మహానది నదీ ద్వీపంలో ఉంది. ఇక్కడి నుండి ప్రధాన భూభాగం హాంగింగ్ వంతెన ద్వారా అనుసంధానితమై ఉంది. దేశంలోని స్తంభం లేని వంతెనలలో ఇది ఒకటి.

• దాతన్ సాహెబ్ గురుద్వారా ఒక చారిత్రకాత్మకం మరియు పవిత్రమైన సిక్కు ఆలయం. మొదటి సిక్కు గురువు గురునానక్ పూరీ వెళ్ళే మార్గంలో విశ్రమించిన ప్రదేశమే దాతన్ సాహెబ్ గురుద్వారా. గురునానక్ దంతధావనం చేదిన మూడు పుల్లలు ఇక్కడ భద్రపరచబడి ఉన్నాయి.
• కటక్‌లో రోసరీ చర్చ్, ఒరియా బాప్టిస్ట్ చర్చ్ వంటి చర్చిలు కూడా ఉన్నాయి. కటక్ ప్రాంతం దీర్ఘకాలం ముస్లిముల పాలనలో ఉంది. అందువలన ఇక్కడ ముస్లిముల స్మారక చిహ్నాలు నిర్మించబడ్డాయి. ఇక్కడ క్వాడం - ఈ- రసూల్, జుమా మసీదు మొదలైన మసీదులు కూడా ఉన్నాయి.
• జమా మసీదు :- జమా అంటే పెద్ద అని అర్ధం. కటక్ నగరంలో ఇది అతిపురాతనమైన మరియు పెద్ద మసీదుగా గుర్తించబడుతుంది. 10 సంవత్సరాల నుండి ఇక్కడ నుండి మదరసా తరలించబడింది. జమా మసీదు పరిసరాలలో హిందువులు మరియు ముస్లిములు నివసిస్తున్నారు.

కటక్‌ నగరంలో పలు మతాలకు చెందిన పండుగలు మరియు ఉత్సవాలు ఉత్సాహభరితంగా భక్తి శ్రద్ధలతో నిర్వహించబడుతున్నాయి.

• 'దసరా మరియు దుర్ఘాపూజ :- కటక్‌లో దుర్గాపూజ కోలాహలంగా నిర్వహించబడుతుంది. నగరమ్ంతటా వీధివీధిలో పలు దుర్గాప్రతిమలను ప్రతిష్ఠించి ఆరాధనలు చేస్తుంటారు. దుర్గాప్రతిమను పెద్ద ఎత్తున బంగారు మరియు వెండి ఆభరణాలతో అలంకరిస్తారు. అలంకరణ చేయడంలో ఒకరితో ఒకరు పోటీ పడుతుంటారు. అష్టమి,నవమి మరియు దశమి పూజ తరువాత రావణుని ప్రతిమను దహిస్తారు. ప్రజలు దుర్గా ప్రతిమలను ఊరేగింపుగా తీసుకుపోయి నిమజ్జనం చేస్తారు.
• కాళీ పూజ :- దుర్గాపూజ తరువాత కొన్ని రోజులకు కటక్‌లో కాళీ పూజకు ప్రయత్నాలు ఆరంభం ఔతాయి. దీపావళి నాడు మహానదీ తీరంలో గాడ్గాడియా ఘాట్ వద్ద టపాసులు కాల్చడం ఒక ఆనవాయితీ. తరువాత చెడు మీద మంచి సాధించిన విజయానికి గుర్తుగా కాళీమాతను ఆరాధిస్తారు.
• కటక్‌లో బలియాత్రా ఉత్సవం అత్యంత ప్రాముఖ్యత సంతరించుకున్న ఉత్సవాలలో ఒకటి. బలియాత్రా ఆసియాలో పెద్ద ట్రేడ్ ఫెస్టివల్‌గా గుర్తుంచబడుతుంది. పురాతనకాలంలో వ్యాపారులు

ఈ ప్రాంతం నుండి దక్షిణాసియా దేశాలతో వ్యాపరసంబంధాలు ఏర్పరచుకునే వారు. దక్షిణాసియా వ్యాపారులు తీసుకువచ్చిన వస్తువులను ఇచ్చి వ్యాపారుల నుండి ఓండ్రదేశ వస్తువులను బదులుగా తీసుకునే వారు. ఈ వస్తుమార్పిడి అప్పటి రాజధాని కటక్‌లో జరుగుతూ ఉండేది. ఆనాటి సంప్రదాయం ఇప్పటి వరకు కొనసాగుతూ ఇప్పటికీ బలియాత్ర నిర్వహిస్తూనే ఉన్నారు. రాష్ట్రమంతటి నుండి ప్రజలు కటక్‌కు వచ్చి వస్తువులను కొనుగోలు చేస్తుంటారు. ఈ ఉత్సవం నవంబరు మాసంలో మహానది తీరంలో జరుగుతుంది. బలియాత్రను పురాతనకాలంలో బలిద్వీపంలో నిర్వహించే వారు. ఇక్కడ ప్రాంతీయ మరియు విదేశీయ వస్తువులు అనేకం విక్రయించడానికి సిద్ధంగా ఉంచేవారు. ఒడిషా అంతటి నుండి ప్రజలు వసుతువులు అమ్మడానికి కొనడానికి ఇక్కడ చేరేవారు. అలాగే ఇక్కడ అధికంగా వస్తుమార్పిడి జరుగుతుంది.

• కార్తికేశ్వర్ పూజ :- పూజా బృందాలు బాధ్యత తీసుకుని కటక్‌లోని కార్తికేయేశ్వర్ పూజను నిర్వహిస్తారు. ఈశ్వరునికి కార్తికేయుడు చిన్న కుమారుడు. శబరిమలలో తప్ప ఇంకెక్కడా కటక్ కార్తికేయేశ్వర్ పూజలా ఘనంగా నిర్వహించబడదు.
• గాలిపటాలు ఎగురవేయడం:- ఇది కటక్‌లో అత్యుత్సాహంగా నిర్వహించబడుతుంది. ఇది మకర సంగ్రాంతి నిర్వహించబడుతుంది. నగరమంతటా గాలిపటాల పోటీలు జరుగుతూ ఉంటాయి.
• గణేశ్‌చతుర్ధి, వసంత పంచమి, హోలి, ఈద్- ఉల్- ఫిత్రీద్, గుడ్ ఫ్రైడే, రథయాత్ర, దీవాలి, క్రిస్మస్ మరియు పలు హిందూ పండుగలు జరుగుతుంటాయి.

జిల్లాలో 11 బృహత్తర పరిశ్రమలు ఉన్నాయి. ప్రధానంగా చౌద్వర్ మరియు అథగడ్‌లలో అధికంగా ఉన్నాయి. పరిశ్రమలలో ప్రధామైనవి స్టీల్, విద్యుత్తు, ఆటోమొబైల్, అల్లాయ్స్, ఫిర్‌క్లే మొదలైనవి. చౌదర్ (కటక్) వద్ద దేశంలో అధ్యధికంగా ఫెర్రో అల్లాయ్స్ తయారు చేస్తున్న " ఇండియన్ మెటల్ & ఫెర్రో అల్లాయ్స్ ఉంది. నగరం వెలుపల ఒక " మెగా ఆటో కాంప్లెక్స్ " నిర్మించడానికి ప్రయత్నిస్తున్నారు.

సంప్రదాయ పరిశ్రమలకు కటక్ ప్రసిద్ధి చెందింది. రాయపూర్ తరువాత తూర్పు ఇండియాలో రెండవ వస్త్రతయారీ కేంద్రంగా కటక్ గుర్తించబడుతుంది. నగర సంవత్సర టెక్స్‌టైల్ ఆదాయం బిలియన్ డాలర్ల కంటే అధికంగా ఉంటుంది. నగరం వెలుపల టెక్స్‌టైల్ పార్క్ ఏర్పాటుచేయడానికి ప్రయత్నిస్తున్నారు. సిల్వర్ ఫిలిగ్రీ హస్థకళకు కటక్ ప్రఖ్యాతి చెందింది. సాటిలేని పనితనం కలిగిన ఈ పరిశ్రమ ప్రాంతీయ ఆదాయాన్ని అధికరిస్తుంది.

ఒడిషాలోని మిగిలిన నగరాలకంటే అధికంగా మద్యతరహా మరియు చిన్నతరహా పరిశ్రమలు కటక్‌ను కేంద్రంగా చేసుకుని ఉన్నాయి. కటక్ లోపల మరియు వెలుపల 8 ఇండస్ట్రియల్ ఎస్టేట్లు ఉన్నాయి. వీటిలో అధికంగా ఒడిషాలోని పలు ఇతర పరిశ్రమలకు సహాయంగా ఉన్నాయి. జగత్‌పూర్ మరియు ఖపురియా పరిశ్రమలు నగరంలోనే ఉన్నాయి. దేశంలో కటక్ గుర్తించతగిన నగరాలలో ఒకటిగా ఉంది. ఎగువన ఉన్న మినరల్ జిల్లాలను మరియు రాష్ట్రాలను కొలకత్తా మరియు చెన్నై కారిడార్‌తో అనుసంధానిస్తుంది. పరదీప్ రేవు సమీపంలో ఉండడం అభివృద్ధికి మరింత సహకరిస్తుంది. దేశీయఖ్యాతి చెందిన ఒ.ఎస్.ఎల్ గ్రూపు, ప్రధానకార్యాలయం కటక్‌లోనే ఉంది. కటక్ రాష్ట్రంలో ప్రధాన వ్యాపారకేంద్రగానూ మరియు రవాణా కేంద్రంగానూ అభివృద్ధి చెందుతూ ఉంది. జిల్లాలోని మాల్గోడౌన్ మరియు చత్రబజార్ లలో హోల్‌సేల్ కేటరింగ్‌కు కేంద్రంగా ఉంది.

కటక్ ఆర్ధికరంగానికి వ్యవసాయం ప్రధానంగా దోహదం చేస్తుంది. సమీపంలో ఉన్న గ్రామాలలో నాణ్యమైన పంటలు, కూరగాయలు మరియు పండ్లు విస్తారంగా పండుతున్నాయి. ఇవి చత్రబజార్‌లో ఉన్న అతిపెద్ద మండిలో విక్రయించబడుతున్నాయి. ఇక్కడ ఉన్న " సెంట్రల్ రైస్ రీసెర్చ్ ఇంస్టిట్యూట్ " ఆసియాలో అతిపెద్ద మండిగా గుర్తించబడుతుంది. ఇది కటక్ దేశీయవ్యవసాయ రంగంలో అతి ముఖ్య స్థానం అందిస్తుంది. రాష్ట్రానికి మునుపటి రాజధానిగా మరియు వ్యాపార కేంద్రంగా గుర్తించబడుతున్న కటక్‌లో ప్రభుత్వ మరియు వ్యాపార కార్యాలయాలు అధికంగా ఉన్నాయి. సమీపప్రాంతాలలో ఉన్న ప్రజలు వారి ఉపాధి కొరకు కటక్ మీద ఆధారపడుతున్నారు. ప్రజలు అధికంగా సేవారంగం మీద ఆధారపడుతున్నారు. అందువలన నగరంలో ప్రజల సంఖ్య దిదినాభివృద్ధి చెందుతున్నారు. ఒడిషా హైకోర్ట్ మరియు ఎస్.సి.బి మెడికల్ కాలేజ్ (రాస్ట్రంలో అతి పెద్ద మెడికల్ కాలేజ్) కటక్‌లోనే ఉన్నాయి. అధిక సంఖ్యలో విశ్వవిద్యాలయాలు, కాలేజీలు మరియు పాఠశాలలు మరియు కోచింగ్ సెంటర్లతో కటక్ విద్యాకేంద్రంగా గుర్తించబడుతుంది.

The following is the 9 Vidhan sabha constituencies[6][7] of Cuttack district and the elected members[8] of that area