ఏ.సి.జోస్

ఆయన ఫిబ్రవరి 5 1937 న ఎడపల్లి, ఎర్నాకుళం జిల్లాలో జన్మించారు. ఆయన ప్రముఖ అంబట్ కుటుంబానికి చెందినవారు. ఆయన కోచిలోని సెంట్‌ అల్బర్ట్స్‌ కాలేజీలో బి.ఎస్సీ చేశారు. తరువాత ప్రభుత్వ న్యాయ కళాశాలలో ఎల్.ఎల్.బి. డిగ్రీని పొందారు. ఆయన కేరళ విద్యార్థి యూనియన్ స్థాపించడంలో ప్రముఖ పాత్ర పోషించారు. 1969 నుండి 1979 వరకు ఆయన కొచ్చిన్ సిటీ కార్పొరేషన్ లో కౌన్సిలర్ గా ఉన్నారు. 1972 లో ఆ కార్పొరేషన్ కు మేయర్ గా తన సేవలనందించారు. 1980 లో ఆయన కేరళ శాసనసభలో పారవూర్ నియోజకవర్గం నుండి ఎన్నికై తన సేవలనందించారు. ఆయన 1982 లో కేరళ శాసనసభ స్వీకర్‌గా సేవలు అందించారు. సాధారణ ఎన్నికల్లో 1996, 1998, 1999 లో కాంగ్రెస్‌ ఎంపీగా లోక్‌సభకు ఎన్నికై 11వ, 12వ, 13వ లోక్‌సభలలో ప్రాతినిధ్యం వహించారు. ఆయన కొంతకాలం "వీక్షణం డైలీ" వార్తాపత్రికకు ప్రధాన సంపాదకులుగా ఉన్నారు. ఆయన కేరళ రాష్ట్రంలో భారత జాతీయ కాంగ్రెస్లో కీలక వ్యక్తి.

కొంతకాలంగా ఆయన గుండె సంబంధిత వ్యాధితో బాధపడుతున్నారు. చికిత్స పొందుతూ జనవరి 24 2016 ఉదయం మృతి చెందారు.[3]