ఎ. మోహన గాంధీ

1947 లో విజయవాడలో జన్మించాడు. అక్కడే యస్.ఆర్.ఆర్;సి.వి.ఆర్ కళాశాలలో బిఎస్సీ చదివాడు. తదుపరి ఉన్నత చదువుల కోసం మణిపాల్లో ఇంజనీరింగ్ విద్యలో చేరాడు. ఆరోగ్యం సహకరించకపోవడంతో నాలుగు నెలలు తిరక్కుండానే దానిని మానివేసి తిరిగి విజయవాడ వచ్చేశాడు.మణిపాల్ వెళ్ళినప్పుడల్లా ఇతని కజిన్ వెంకటరత్నం ఇతని వెంట తోడుగా వచ్చేవాడు. ప్రయాణం మధ్యలో మద్రాసులో ఉదయం నుండి సాయంకాలం దాకా ఉండవలసి వచ్చేది. అప్పుడే ఇతని కజిన్ దూరపుబంధువు అయిన శోభన్ బాబు గారిని కలవడానికి వెళ్ళేవారు. అప్పటికి శోభన్ బాబు తెలుగు చిత్రసీమలో ఇంకా నిలదొక్కుకోలేదు. అతడు వీరి యోగక్షేమాలు కనుక్కొనేవాడు. 1968లో, చదువు మానేసి విజయవాడ వచ్చేశాడు. కోలుకోవడానికి నాలుగైదు నెలలు పట్టింది. స్టేజీ నాటకాలు వేసిన అనుభవం ఉండటంతో సినిమాల పట్ల తన ఆసక్తిని వెంకటరత్నానికి చెప్పాడు. అతడు వెంటనే మోహన గాంధీని హీరో శోభన్ బాబు దగ్గరికి తీసుకుని వెళ్ళాడు. కానీ శోభన్ బాబు ఇతడికి సినిమాల పట్ల గల ఆసక్తిని గమనించి మరోసారి ఆలోచించుకోమన్నారు. మొదట ఎడిటింగ్ పట్ల తనకు ఆసక్తి ఉన్నదని శోభన్ తో చెప్పడంతో, ఎడిటింగ్ అంటే ఒక్క అంశానికే పరిమితమై పోతావు... దర్శకత్వ శాఖలో ప్రయత్నించు అని ఆయన సలహా ఇచ్చాడు. తనకి చిత్రసీమలో ఎవరూ తెలియదని, శోభన్ బాబే తనను రికమెండ్ చేయాలని గాంధీ అభ్యర్థించాడు. హీరో శోభన్ బాబు ద్వారా తెలుగు చలన చిత్ర సీమలో 1967లో ప్రవేశించాడు.

నాటకాల రాయుడు, పసిడి మనసులు, విచిత్ర దాంపత్యం, మానవుడు దానవుడు, దేవుడు చేసిన పెళ్ళి, అల్లుడొచ్చాడు, అత్తవారిల్లు, కమలమ్మ కమతం, జీవన్ ధారా, మై ఇంతకామ్ లూంగా మొదలైన చిత్రాలకు సహాయ దర్శకుడిగా పనిచేసారు. అక్కినేని సంజీవి, పి.సుబ్రహమణ్యం, పి.సి.రెడ్డి, ప్రత్యగాత్మ, టి.రామారావు, వి.బి.రాజేంద్రప్రసాద్ మొదలైన వారి వద్ద దర్శకత్వ శాఖలో మెళకువలు గ్రహించి 1977లో తొలిసారి నిర్మాత శ్రీ ఎ.వి.సుబ్బారావు నిర్మించిన ప్రసాద్ ఆర్ట్ పిక్చర్స్ వారి అర్ధాంగి చిత్రానికి దర్శకత్వం వహించాడు[1].

తెలుగు

కన్నడం