అశ్వత్థామ (సంగీత దర్శకుడు)

కుటుంబసభ్యులతో అశ్వత్థామ

ఇతడు 1927లో నరసాపురం జన్మించాడు. ఇతని తండ్రి వరదాచారి జలియన్‌వాలాబాగ్ సమరంలో మిలటరీ కమాండర్‌గా పనిచేశాడు. ఇతని తండ్రి సైన్యం వదిలి సన్యాసులలో కలిసి పోవడంతో ఇతని తల్లి తన పిల్లలను తీసుకుని మద్రాసులోని ఆమె తమ్ముని ఇంట చేరింది. ఇతని బాల్య జీవితం చాలా కష్టంగా గడిచింది. కుటుంబ పోషణ కోసం ఏవేవో చిన్నచిన్న పనులు చేసి డబ్బులు సంపాదించేవాడు. ఇతనికి చిన్నతనం నుండే సంగీతంపట్ల మక్కువ ఉండేది. ఇతడు దెందులూరి శివరామయ్య, మహావాది వెంకటప్పయ్య, టైగర్ వరదాచారి, ద్వారం వేంకటస్వామినాయుడుల వద్ద సంగీతం క్షుణ్ణంగా నేర్చుకున్నాడు. ఇతడిని మల్లాది రామకృష్ణశాస్త్రి, సముద్రాల రాఘవాచార్య మొదలైనవారు ఆదరించారు. ఇతడు 1951లో కమలను వివాహం చేసుకున్నాడు. ఈమె వీణావాదనలో డిప్లొమా చేసింది. ఈమె కొంతకాలం మద్రాసు ఆకాశవాణి కేంద్రంలో కళాకారిణిగా పనిచేసింది. వీరికి విజయరాఘవన్ అనే ఒక కొడుకు, గాయత్రి, శ్యామల అనే ఇద్దరు కూతుళ్ళు ఉన్నారు[2]. ఇతని కుమార్తెలు ఇరువురు కూడా ప్రముఖ వీణా విద్వాంసురాళ్ళు. గాయత్రి తమిళనాడు సంగీత, లలిత కళల యూనివర్శిటీ ఉపకులపతిగా పనిచేస్తున్నది[3].

ఇతడు తెలుగుతో పాటుగా తమిళ, కన్నడ, మలయాళ భాషా చిత్రాలకు సంగీత దర్శకుడిగా పనిచేశాడు. ఇతడు సంగీత దర్శకత్వం వహించిన కొన్ని తెలుగు సినిమాలు:

ఇతడు తన 48 యేళ్ల వయసులో 1975, మే 20వ తేదీన మద్రాసులో మరణించాడు[1].

• ఇంటర్నెట్ మూవీ డేటాబేసు లో అశ్వత్థామ పేజీ