అంతర్జాతీయ గాలిపటాల పండుగ - గుజరాత్

ప్రతి సంవత్సరం గుజరాత్ లో రెండు వేలకు పైగా పండుగలను జరుపుకుంటారు. ఉత్తరాయణంలో జరుపుకునే అంతర్జాతీయ గాలిపటాల పండుగ అతిపెద్ద వేడుకగా భావించబడుతుంది[1]. గాలిపటాల పండుగ వస్తుందన్న కొద్ది నెలల ముందే గుజరాత్‍లోని ఇళ్లలో గాలిపటాల తయారీ ప్రారంభమవుతుంది. హిందూ క్యాలెండర్ ప్రకారం ఉత్తరాయణం అనగా శీతాకాలం నుంచి వేసవి కాలానికి ప్రారంభ రోజు. రైతులు అత్యంత ఆసక్తిగా ఎదురు చూసే పంట కోతల కాలం మరియు సూర్యుడు మకరరాశిలో ప్రవేశిస్తాడు, ఈ రోజును మకర సంక్రాంతి అంటారు. ఈ రోజు భారతదేశం లో ముఖ్యమైన పంట రోజులలో ఒకటిగా పరిగణించబడుతుంది. గుజరాత్ లోని చాలా నగరాలు ఈ గాలి పటాల పోటీని నిర్వహిస్తున్నాయి. గుజరాత్ మరియు ఇతర రాష్ట్రాల ప్రాంతంలో ఉత్తరాయాణాన్ని అత్యంత వేడుకగా నిర్వహించటం వలన భారతదేశంలో రెండు రోజులు ప్రభుత్వ సెలవులగా మారాయి[2]. ఈ పండుగ సందర్భంగా ఉందియు అనే స్థానిక ఆహారాన్ని జనసమూహానికి అందజేస్తారు[3][4]. ఈ పండుగకు కొన్ని రోజులు ముందు ఇక్కడి మార్కెట్లు సరఫరాదారులు మరియు కొనుగోలుదారులతో కిటకిటలాడుతుంది. 2012లో జరిగిన గుజరాత్ అంతర్జాతీయ గాలిపటాల పండుగలో 42 దేశాలు పాల్గొన్నందున గిన్నిస్ వరల్డ్ రికార్డ్స్ బుక్ లో నమోదు కొరకు ప్రయత్నిస్తున్నారు[5].

అంతర్జాతీయ గాలిపటాల పండుగ
ప్రక్రియ	గాలిపటాలు
తేదీలు	ప్రతి సంవత్సరం జనవరి14
ప్రదేశం	గుజరాత్, భారతదేశం
క్రియాశీల సంవత్సరాలు	1989— present
వెబ్‌సైటు
www.gujarattourism.com