வினைவேகச் சமன்பாடு

ஒரு வேதிவினையின் வினைவேகச் சமன்பாடு (Rate equation) அல்லது வினைவேக விதி (Rate law) என்பது வினைவேகத்தையும் வினைபடுபொருள்களின் செறிவையும் (அல்லது அழுத்தத்தையும்) இணைக்கும் ஒரு சமன்பாடு ஆகும். இச்சமன்பாட்டில் வினைவேகக் கெழு என்னும் மாறிலிகளும் இருக்கும்.[1]

பல வகையான வேதிவினைகளுக்கும் வினைவேகச் சமன்பாட்டை அடுக்கு விதி கொண்டு குறிக்கலாம்.

${\displaystyle r\;=\;k[\mathrm {A} ]^{x}[\mathrm {B} ]^{y}}$

இதில் [A] என்பதும் [B] என்பதும் முறையே அப்பொருள்களின் செறிவைக் குறிக்கும். (மோல் லிட்டர்⁻¹)

x, y என்பவை பரிசோதனையின் மூலம் நிர்ணயிக்கப்படுகின்றன. k என்பது வினைவேக மாறிலியாகும். இதன் மதிப்பு வெப்பநிலை, பரப்பு, அயனிய ஆற்றல், ஆகியவற்றைப் பொறுத்து அமையும்.