மாறாக் கனவளவு செயல்முறை

ஓர் மாறாக் கனவளவு வெப்பவியக்கவியல் செயல்முறையில் கனவளவு மாற்றமடையாது அதாவது ${\displaystyle \Delta V=0}$ . இச்செயல்முறையால் கனவளவு-அமுக்க வேலை நிகழ்த்தப்படாது, ஏனென்றால் அவ்வாறான வேலை

${\displaystyle \Delta W=P\Delta V}$ , என்றே வரையறுக்கப்படுகிறது.

இங்கு P என்பது அழுத்தம். சூழலின் மீது தெகுதியினால் செய்யப்படும் வேலை நேர்மமாக இருக்குமாறு குறிவழக்கு காணப்படுகிறது.

ஒர் மீளக்கூடிய செயல்முறையில் வெப்பவியக்கவியலின் முதலாவது விதியானது தொகுதியின் உள்ஆற்றலின் மாற்றத்தை தருகிறது:

${\displaystyle dU=dQ-dW}$

வேலையினை கனவளவு மாற்றத்தினால் பதிலீடு செய்ய,

${\displaystyle dU=dQ-PdV}$

இச்செயல்முறையில் கனவளவு மாற்றமடைவது இல்லை. எனவே ${\displaystyle dV=0}$ , முன்னைய சமன்பாடு தற்போது தருவது

${\displaystyle dU=dQ}$

மாறாக் கனவளவிலான தன்வெப்பக்கொள்ளளவிற்கான வரையறையின் படி,

${\displaystyle C_{v}=dU/dT}$ ,

${\displaystyle dQ=mC_{v}dT}$

இருபகுதிகளையும் தொகையிட வருவது

${\displaystyle Q=m\int _{a}^{b}\!C\,dT.}$

இங்கே ${\displaystyle C}$ மாறாக் கனவளவிலான தன்வெப்பக்கொள்ளளவு, ${\displaystyle a}$ என்பது ஆரம்ப வெப்பநிலை மற்றும் ${\displaystyle b}$ என்பது இறுதி வெப்பநிலை. நாம் முடிவிற்கு வருவது:

${\displaystyle Q=mC_{v}\Delta T\ }$

கனவளவு அழுத்த வரைபடத்தில் மாறாக்கனவளவு செயல்முறை. இவ்வரைபடத்தில் அழுத்தம் அதிகரிக்கிறது, ஆனால் கனவளவு மாறாது காணப்படுகிறது.

கனவளவு அழுத்த வரைபடத்தில், மாறாக் கனவளவு செயல்முறை நிலைக்குத்துக்கோடாக இருக்கிறது. இதன் வெப்பவியக்கவியல் இணையான சம அழுத்தச் செயல்முறையானது, கிடை நேர்கோடாக இருக்கிறது.

இலட்சிய ஒட்டோ சுழற்சியில் உள் எரி பொறியிலுள்ள காசலின் வளிம கலவை கணநேரத்தில் எரிவதாக எடுத்துக்கொண்டால் இச்சுழற்சியை மாறாக் கனவளவு செயல்முறைக்கு எடுத்துக்காட்டாக கொள்ளலாம். இங்கு உருளையிலுள்ள வளிமத்தின் வெப்பநிலையிலும் அமுக்கத்திலும் அதிகரிப்பு கனவளவு மாறாதிருக்கையில் நிகழ்கிறது.

• சம அழுத்தச் செயல்முறை

• http://lorien.ncl.ac.uk/ming/webnotes/Therm1/revers/isocho.htm