மலாயக் குடிபெயர்வும் யாழ்ப்பாணச் சமூகமும் (நூல்)

இந்த நூலின் அடிப்படை, இந்நூலாசிரியர் தனது முதுகலைப் பட்டத்துக்காகச் செய்த ஆய்வுகளும், அதனைத் தொடர்ந்து 1980 ஆம் ஆண்டு யாழ்ப்பாணப் பல்கலைக்கழகத்துக்குச் சமர்ப்பித்த ஆய்வுக் கட்டுரையும் ஆகும். மேற்குறித்த ஆய்வுக்குரிய காலத்தின் பின் எல்லை 1940ல் இருந்து1957 வரை விரிவாக்கப்பட்டு இந்நூலில் கூடுதலான தகவல்கள் சேர்க்கப்பட்டுள்ளன.[1]

அண்மைக் காலத்தில் யாழ்ப்பாணத்தில் இருந்து கனடா, ஆசுத்திரேலியா மற்றும் பல ஐரோப்பிய நாடுகளுக்குக் குடிப்பெயர்ந்து வாழும் இலங்கைத் தமிழர்களுடைய வாழ்வில் காணப்படும் பண்புகளுக்கும், மலாயக் குடிபெயர்வுக் காலத்து வாழ்வில் கண்ட பண்புகளுக்கும் இடையே ஒத்த தன்மைகள் இருப்பதாகக் கூறும் நூலாசிரியர், இக்காலச் சூழலில் இந்த ஆய்வு, நூல் வடிவில் வெளிவரவேண்டியதன் முக்கியத்துவத்தை உணர்ந்த நண்பர்கள் தன்னை ஊக்குவித்ததாகக் குறிப்பிட்டுள்ளார்.[2]

இந்த நூலில் எடுத்துக்கொண்ட பொருள் குடிபெயர்ந்தமைக்கான காரணிகள், மலாயாவில் யாழ்ப்பாணத்தவர், அவர்களது வாழ்க்கை, மலாயத் தொடர்பும் யாழ்ப்பாணச் சமூகமும் ஆகிய தலைப்புக்களில் ஆராயப்பட்டுள்ளது. இதன் உள்ளடக்கம் ஒன்பது அத்தியாயங்களைக் கொண்டது. இவற்றுள் அறிமுகம், முடிவுரை என்பவற்றுக்கான அத்தியாயங்களைத் தவிர்த்து, எஞ்சிய ஏழு அத்தியாயங்கள் பின்வருமாறு பிரிக்கப்பட்டுள்ளன.

• குடிப்பெயர்வுக்கான காரணிகள்

அத்தியாயம் 2 - யாழ்ப்பாண மாவட்டத்தில் காணப்பட்ட நிலைமைகள்

அத்தியாயம் 3 - மலாயாவில் காணப்பட்ட நிலைமைகள்

• மலாயாவில் யாழ்ப்பாணத்தவர்:

அத்தியாயம் 4 - குடிப்பெயர்வும் குடித்தொகைப் பரம்பலும்

• மலாயாவில் யாழ்ப்பாணத்தவர் வாழ்க்கை:

அத்தியாயம் 5 - பொருளாதார நடவடிக்கைகள்

அத்தியாயம் 6 - அரசியல் நடவடிக்கைகள்

அத்தியாயம் 7 - சமூக நடவடிக்கைகள்

• இலங்கைத் தமிழர் வரலாறு - தமிழ் நூல் பட்டியல்