போஜன் (திரைப்படம்)

தாரா நாட்டு வாரிசான போஜன் சிறுவனாக இருந்தமையால் அவனது சிறிய தந்தை முஞ்சன் (ஆர். பாலசுப்பிரமணியம்) அவனுக்குப் பதிலாக நாட்டை ஆண்டு வந்தான். முதலமைச்சர் புத்திசாகரிடம் வளர்ந்து வரும் போஜனைக் (பி. எஸ். கோவிந்தன்) கொல்ல முஞ்சன் பல சூழ்ச்சிகள் செய்கிறான். ஆனால் அவை தோல்வியிலேயே முடிகின்றன. அரசேற்கும் பருவம் வந்த போஜனுக்கு முடிசூடும் படி புத்திசாகர் முஞ்சனை வற்புறுத்துகிறார். ஆனால் முஞ்சன் முதலமைச்சரை பதவியில் இருந்து விலக்கி, தன் தங்கை மகள் விலாசவதியை போஜனுக்கு மணம் செய்து வைத்து விட்டு, அவளையும் தானே அடைய முயற்சிக்கிறான். அவனின் சூழ்ச்சிகளையெல்லாம் போஜனின் நண்பன் சஞ்சீவி (காளி என். ரத்னம்), சேனாதிபதி வத்சன், புத்திசாகர் ஆகியோர் இணைந்து முறியடிக்கின்றனர். போஜன் முஞ்சனின் சூழ்ச்சிக்குத் தப்பி காட்டில் ஒரு பில்லர் கூட்டத்தில் அகப்பட்டுக் கொள்கிறான். ஆனால், பில்லர் கூட்டத்தின் தலைவரின் மகள் லீலாவதி அவன் மேல் காதல் கொண்டு அவனைக் காப்பாற்றித் தப்பிக்க வைக்கிறாள். இறுதியில், நண்பர்களின் உதவியுடன் போஜன் தாரை, உஜ்ஜயினி, பூபாளம் ஆகிய நாடுகளுக்குப் பேரரசனாக முடிசூடுகிறான். முஞ்சன் தற்கொலை செய்து கொள்கிறான்.[1]

• வந்தார் இளம் சிங்கம் போல் பாங்கி (பாடியவர்: எஸ். வரலட்சுமி)[2]
• வருவார் என் இதயநாதன்.. (பாடியவர்: எஸ். வரலட்சுமி)[3]

• போஜராஜன்